Аблігацыя

У паняцця ёсць і іншыя значэнні, гл. Аблігацыя (значэнні).

Аблігацыя (ад лац.: obligatio — абавязваюся) — від эмісійнай каштоўнай паперы (пазыковага абавязацельства), па якой яе эмітэнт абавязваецца выплаціць трымальніку фіксаваную суму капіталу ў пэўны момант у будучыні або выплачваць даход, памер якога загадзя ўсталяваны ў форме пэўнага чыншу — працэнту ад намінальнага кошту аблігацыі (у адрозненне ад акцыі, велічыня даходу па якой залежыць ад прыбытковасці прадпрыемства)

Аблігацыя

Калі аблігацыя прадаецца па цане, ніжэйшай за намінал, то даход па ёй складае згаданую розніцу і завецца дысконтам. Даход аблігацыі можа таксама выплачвацца ў форме выйгрышаў у спецыяльных накладах або аплатай купонаў.

Эмітэнты

Эмітэнтамі аблігацый выступае дзяржава, муніцыпалітэты або прыватныя прадпрыемствы.

Тэрмін аплаты

Аблігацыі з тэрмінам аплаты не болей за 5 год лічацца кароткатэрміновымі,

ад 6 да 15 год — сярэднетэрміновымі,

больш за 15 гадоў — доўгатэрміновымі.

Класіфікацыя

Класіфікацыя аблігацый адбываецца па некалькіх прынцыпах:

• дзяржаўныя і прыватныя

Дзяржаўныя аблігацыі выдаюцца дзяржавай ці муніцыпальнымі ўтварэннямі, прыватныя - прыватнымі банкамі, акцыянернымі таварыствамі і інш.

• імянныя і на прад'яўніка

Імянныя аблігацыі падлягаюць рэгістрацыі. Іхнім уладальнікам выдаецца сертыфікат, які сведчыць аб праве асобы на валоданне дадзенымі каштоўнымі паперамі. Аблігацыі на прад'яўніка адмыслова не ўлічваюцца, чынш па іх атрымоўваюць па купонным лісце, ад якога адразаюць адпаведны купон.

• чыншавыя (працэнтныя) і бясчыншавыя (беспрацэнтныя)

Па чыншавых аблігацыях даход выплачваецца ў форме пэўнага працэнту, уладальнік бясчыншавых мае права набыць адпаведныя тавары ці паслугі.

• у свабодным абарачэнні і з абмежаваным колам абарачэння

Гандаль

Аблігацыямі гандлююць на біржах па курсе, які залежыць ад даходу, чыншу, попыту і прапановы.

Спасылкі

• Аблігацыя
• Тыпы аблігацый
• Лаврушин О. И., Кабалкин А. Ю. Облигация Архівавана 24 снежня 2011. // вялікая савецкая энцыклапедыя (руск.)