Алег Канстанцінавіч Папоў

У Вікіпедыі ёсць артыкулы пра іншых людзей з прозвішчам Папоў.

Алег Канстанцінавіч Папоў (31 ліпеня 1930, вёска Вырубава, Маскоўская вобласць — 2 лістапада 2016, Растоў-на-Доне) — савецкі і расійскі артыст цырка (клоўн), акцёр , рэжысёр . Народны артыст СССР (1969).

Алег Канстанцінавіч Папоў
Выступ Алега Папова ў Вормсе (Германія) 28 сакавіка 2009 года
Дата нараджэння	31 ліпеня 1930(1930-07-31)[1][2][…]
Месца нараджэння	Вырубава[d], Адзінцова[d], Адзінцоўскі раён, Маскоўская вобласць, РСФСР, СССР[3]
Дата смерці	2 лістапада 2016(2016-11-02)[4][5][…] (86 гадоў)
Месца смерці	Растоў-на-Доне, Растоўская вобласць, Расія
Месца пахавання	Эглафштайн[d]
Грамадзянства	СССР  Германія
Адукацыя	Дзяржаўнае вучылішча цыркавога і эстраднага мастацтва[d]
Прафесія	клоўн, артыст цырка, мім, акцёр, рэжысёр, сцэнарыст
Кірунак	клоўн і клаўнада[d]
Узнагароды
IMDb	ID 0691347
oleg-popov.com
Медыяфайлы на Вікісховішчы

Біяграфія

Алег Канстанцінавіч Папоў нарадзіўся 31 ліпеня 1930 г у вёсцы Вырубава Кунцаўскага раёна Маскоўскай вобласці (цяпер вёска ўваходзіць у гарадское паселішча Адзінцова Адзінцоўскай раёна Маскоўскай вобласці). Неўзабаве сям'я пераехала ў Маскву і пасялілася ў раёне стадыёна «Дынама».

У 1943 годзе Алег паступае вучнем слесара на паліграфічны камбінат «Праўда».

У наступным, 1944 годзе, займаючыся ў гуртку акрабатыкі Палаца спорту «Крылы Саветаў», ён пазнаёміўся са студэнтамі цыркавога вучылішча, пабываў на іх рэпетыцыях. У гэтым жа годзе Алег паступае ў Дзяржаўнае вучылішча цыркавога мастацтва, якое заканчвае ў 1950 годзе па спецыяльнасці эксцэнтрык на дроце.

Пачаў сваю кар'еру эквілібрыстам, выступаючы з нумарам «Эксцэнтрык на свабодным дроце» (рэжысёр-педагог С. Марозаў). У 1951 годзе дэбютаваў у якасці дывановага клоўна ў Саратаўскім цырку. Канчаткова зацвердзіўся ў гэтым амплуа ў Моладзевым цыркавым калектыве (1951—1953). Стварыў артыстычны вобраз «Сонечнага клоўна» — безжурботнага хлопца з капой русых валасоў у знарочыста шырокіх паласатых штанах і клятчастай шапачцы. У сваіх выступах выкарыстоўвае такія прыёмы як эквілібрыстыка, акрабатыка, жангліраванне, парадыраваннем цыркавых нумароў, але галоўнае месца ў яго выступах займаюць антрэ, вырашаныя сродкамі буфанады і эксцэнтрыкі. Сярод лепшых рэпрыз Алега Папова — «Повар», «Свісток», «Прамень».

Часта здымаўся ў кіно, выступаў у якасці рэжысёра цыркавых спектакляў.

З 1991 года жыў і працаваў у Германіі пад сцэнічным псеўданімам Шчаслівы Ганс.

Зноскі

1. Person Profile // Internet Movie Database — 1990. Праверана 13 жніўня 2015.

   <a href='https://wikidata.org/wiki/Track:Q37312'></a>
2. Попов Олег Константинович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
3. Deutsche Nationalbibliothek Record #119548186 // Агульны нарматыўны кантроль — 2012—2016. Праверана 11 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. Умер клоун Олег Попов
5. Олега Попова похоронят в Германии