Алена Уладзіміраўна Цюнянкова

Алена Уладзіміраўна Цюнянкова (нар. Валчэцкая; нар. 4 снежня 1943, г. Гродна) — беларуская гімнастка, алімпійская чэмпіёнка 1964, заслужаны майстар спорту СССР, выкладчык. Дацэнт кафедры тэорыі і методыкі фізічнай культуры Гродзенскага дзяржаўнага ўніверсітэта імя Янкі Купалы. Ганаровы грамадзянін горада Гродна^[2].

Алена Цюнянкова
Агульная інфармацыя
Пол	жанчына
Поўнае імя	Алена Уладзіміраўна Валчэцкая
Спецыялізацыя	спартыўная гімнастыка
Клуб	Узброеныя Сілы (Гродна)
Нарадзілася	4 снежня 1943(1943-12-04) (81 год) Гродна, Беластоцкая вобласць, БССР, СССР
Грамадзянства	СССР
Рост	155 см[1]
Вага	52 кг[1]
Узнагароды і медалі Летнія Алімпійскія гульні Золата Токіа 1964 каманднае першынство Урадавыя ўзнагароды Заслужаны майстар спорту СССР
Медыяфайлы на Вікісховішчы

Біяграфія

Чатырохразовая чэмпіёнка СССР у апорным скачку (1960—1962, 1965), двухразовая чэмпіёнка СССР у практыкаваннях на бервяне — 1963, 1964 гады. Заслужаны трэнер БССР. Першы трэнер — Рэнальд Кныш.

У 1966 яна зламала нагу. У тым жа годзе яна выйшла замуж, змяніла прозвішча на Цюнянкова, а ў наступным годзе нарадзіла сваю першую дачку, скончыўшы спартыўную кар’еру^[3].

Пасля гэтага скончыла Гродзенскі дзяржаўны педагагічны інстытут у 1965 годзе^[4] і каля 30 гадоў трэніравала гімнастаў у родным Гродне.

Яна стала першым трэнерам Вольгі Корбут, але пасля паўтара года перадала яе Рэнальду Кнышу, які раней займаўся з ёй самой. У перыяд з 1998 па 2006 год яна трэніравала ў Мінэапалісе, Злучаныя Штаты, разам з Мікалаем Мілігулам  (руск.) і Вольгай Гоцманавай. У 2006 годзе яна вярнулася ў Гродна да сваёй 94-гадовай маці і дачок Таццяны і Ірыны^[3].

Спартыўныя дасягненні

Алімпійскія гульні:

Год	Абсалютнае	Каманднае	Апорны скачок	Брусы	Бервяно	Вольныя практыкаванні
1964	8	1	5	24	7	13

Выступы на першынствах СССР^[5]:

Год	Першынство	Абсалютнае	Апорны скачок	Брусы	Бервяно	Вольныя практыкаванні
1961	Чэмпіянат СССР	6	1
	Кубак СССР	3	1		5
1962	Чэмпіянат СССР		1	3	4
	Кубак СССР	2
1963	Чэмпіянат СССР	4	2	5	1
1964	Чэмпіянат СССР	6	3	4	1	5
	Кубак СССР	2
1965	Чэмпіянат СССР	12	1

Палітычныя погляды

Падпісала адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе^[6][7].

Узнагароды

• Званне заслужаны майстар спорту СССР (1971).
• Званне заслужаны трэнер БССР

У 1964 годзе была абрана адным са спартсменаў года.

Зноскі

1. Olympedia — 2006.

   <a href='https://wikidata.org/wiki/Track:Q95606922'></a>
2. ВОЛЧЕЦКАЯ Елена Владимировна
3. Protsenko, Igor. Дорогая Елена Владимировна (руск.). Belarus Today. Sovetskaya Belorussia (4 студзеня 2007). Праверана 24 лістапада 2013.(недаступная спасылка)
4. Волчецкая Елена Владимировна Архівавана 2 снежня 2013. — Вялікая алімпійская энцыклапедыя  (руск.) (руск.)
5. Спортивная гимнастика: история, чемпионаты, чемпионы Архівавана 26 мая 2011. (руск.)
6. Стало известно, кто подписал открытое письмо спортсменов, выступающих за власть (руск.)(недаступная спасылка) (24 лістапада 2020). Архівавана з першакрыніцы 24 лістапада 2020. Праверана 24 лістапада 2020.
7. Подписи (нявызн.). Праверана 8 снежня 2020.