Алена Юр’еўна Пятросава

У Вікіпедыі ёсць артыкулы пра іншых людзей з прозвішчам Пятросава.

Алена Юр’еўна Пятросава (7 лютага 1952(1952-02-07) — 15 студзеня 2017(2017-01-15)) — беларускі даследчык гісторыі архітэктуры Беларусі. Кандыдат мастацтвазнаўства^[1][2].

Алена Юр’еўна Пятросава
Дата нараджэння	7 лютага 1952(1952-02-07)
Дата смерці	15 студзеня 2017(2017-01-15) (64 гады)
Род дзейнасці	гісторык архітэктуры, мастацтвазнаўца, мастачка, мастак-мазаічыст
Месца працы	Інстытут мастацтвазнаўства, этнаграфіі і фальклору імя Кандрата Крапівы НАН Беларусі
Навуковая ступень	кандыдат мастацтвазнаўства
Альма-матар	архітэктурны факультэт БНТУ
Цытаты ў Вікіцытатніку

Біяграфія

Нарадзілася 7 лютага 1952 года ў сям’і беларуса і армянкі.

Атрымала архітэктурную адукацыю ў Беларускім політэхнічным інстытуце^[3]. Працавала ў Інстытуце мастацтвазнаўства Акадэміі навук^[1].

Займалася вывучэннем архітэктуры Беларусі, у прыватнасці неаготыкі^[1]. Тэма яе кандыдатскай гучала як «„Готыка“ і неаготыка ў архітэктуры Беларусі: да пытання аб выкарыстанні гатычных формаў у архітэктуры Беларусі другой паловы XVIII — пачатку XX стст.»^[4].

Суаўтарка кнігі «Помнікі архітэктуры Менску XVII — пачатку XX ст.» разам з Тамарай Чарняўскай^[1].

Напісала некалькі дзесяткаў артыкулаў для «Энцыклапедыі літаратуры і мастацтва Беларусі» па гісторыі архітэктуры Мінска і архітэктуры Беларусі^[1].

Займалася мастацкай творчасцю, у тым ліку як мастак-мазаічыст^[3].

Памерла 15 студзеня 2017 года пасля працяглай анкалагічнай хваробы^[1].

Сям’я

Дачка Ксенія Ангелава — мастачка^[3].

Водгукі

Паводле мастацтвазнаўцы і гісторыка архітэктуры Сяргея Харэўскага, Алена Пятросава была вельмі вядомай даследчыцай гісторыі архітэктуры ў 1970-1980-х гадах^[1].

Зноскі

1. Алесь Дашчынскі. Ня стала Алены Пятросавай
2. Пятросава, Алена Юр’еўна (кандыдат мастацтвазнаўства)
3. Выставка работ Ксении Ангеловой и Елены Петросовой «Трезвучие надежды» открывается в Минске 24 декабря (руск.)
4. Петросова, Елена Юрьевна. «Готика» и неоготика в архитектуре Белоруссии : к вопросу об использовании готич. форм в архитектуре Белоруссии второй половины XVIII — начала XX вв. : диссертация … кандидата искусствоведения : 18.00.01 / ВНИИ искусствознания. — Минск, 1987. — 224 с. + Прил. (32 с.: ил.) (руск.)