Алесь Сакалоў

Але́сь Сакало́ў — беларускі скульптар .^[2]

Алесь Сакалоў
Дата нараджэння	31 мая 1989(1989-05-31)[1] (36 гадоў)
Месца нараджэння	Мінск, Беларуская ССР, СССР[1]
Грамадзянства	Беларусь
Род дзейнасці	скульптар
Вучоба	Беларуская дзяржаўная акадэмія мастацтваў

Біяграфія

Нарадзіўся 31 траўня 1989 года ў Мінску. У 2008 годзе скончыў Рэспубліканскі каледж мастацтваў імя І. Ахрэмчыка па спецыяльнасці «Мастак-скульптар». У 2014 годзе скончыў Беларускую дзяржаўную Акадэмію мастацтваў па спецыяльнасці «Мастак-скульптар». Выкладае ў Мінскім дзяржаўным мастацкім вучылішчы імя Глебава. Сябра секцыі скульптуры Беларускага саюза мастакоў з 2014 года.

Прымае ўдзел у рэспубліканскіх выставах з 2008 года і пленэрах з 2010 года. Аўтар скульптуры «Сэрца» на прылеглай тэрыторыі РНПЦ кардыялогіі ў Мінску.

Творчасць

Скульптуры «Каўчэг» (2016), «Дрэва жыцця» (Смаргонь, 2014), «Рака» (Лагойск, 2010), «Птушка» (Паставы, 2012). Праца ў аўтарскім калектыве над помнікам пісемнасці ў горадзе Быхаў з І. Арцімовічам, В. Цімашавым, П. Піраговай. Удзельнік міжнароднага мастацкага пленэру ў горадзе Калінінград у 2011, 2012, 2013 гадах.

У 2021 годзе ў Мінску ў адной з выставачных залаў Музея Заіра Азгура працавала выстава адной скульптуры Алеся Сакалова. Скульптура атрымала назву «П’ета» (італ.: pietà) і прысвечана чарнобыльскай трагедыі. Гэта класічная тэма сцэны аплаквання Хрыста^[ru] Маці Божай у іканаграфіі^[ru].

Зноскі

1. http://bel-art.by/authors_sokolov_al.php
2. "У Менску адкрылася выстава адной скульптуры. Яна прысвечаная чарнобыльскай трагедыі". Белсат. 2021.04.22 18:58. Праверана 2021-11-22. {{cite news}}: Праверце значэнне даты ў: |date= (даведка)