Альфонсас Малдоніс

Альфонсас Малдо́ніс (літ.: Alfonsas Maldonis; 22 жніўня 1929, в. Наўяплянта  (літ.), Алітускі павет, Літва — 6 кастрычніка 2007, Вільнюс, Літва) — літоўскі паэт. Заслужаны дзеяч мастацтваў Літвы (1974). Народны паэт Літвы (1984).

Альфонсас Малдоніс
літ.: Alfonsas Maldonis
Асабістыя звесткі
Дата нараджэння	22 жніўня 1929(1929-08-22)[1]
Месца нараджэння	Novoplenta[d], Daugai Eldership[d], Аліцкі раён, Літва
Дата смерці	6 кастрычніка 2007(2007-10-06)[2] (78 гадоў)
Месца смерці	Вільня, Віленскае гарадское самакіраванне, Віленскі павет, Літва
Грамадзянства	СССР  Літва
Альма-матар	Віленскі ўніверсітэт
Прафесійная дзейнасць
Род дзейнасці	паэт
Мова твораў	літоўская
Дэбют	зборнік «Сярэдзіна лета» (1958)
Грамадская дзейнасць
Партыя	КПСС
Узнагароды	Камандор Вялікага князя Літоўскага Гядзімінаса Медаль Незалежнасці Літвы

Біяграфія

Нарадзіўся ў сям'і селяніна. У 1954 годзе скончыў гісторыка-філалагічны факультэт Віленскага ўніверсітэта. У 1962—1970 гадах галоўны рэдактар выдавецтва «Вага» (Вільнюс).

Творчасць

Друкуецца з 1956 года. Аўтар зборнікаў вершаў «Сярэдзіна лета» (1958), «Сонечны лівень» (1962; Дзяржаўная прэмія Літвы 1965), «Вадзяныя знакі» (1969), «Раніцай, вечарам» (1978; Дзяржаўная прэмія Літвы 1979), «Дзікае жыта» (1982) і інш. Асноўны змест твораў — духоўнае жыццё сучасніка, надзённыя грамадска-палітычныя і маральна-этычныя праблемы, прырода роднай зямлі. Яго паэзія адметная эмацыянальным лірызмам, яснасцю паэтычных вобразаў.

Неаднаразова наведваў Беларусь. Пераклаў на літоўскую мову творы М. Аўрамчыка, А. Грачанікава, В. Зуёнка, П. Макаля.

Пераклады

На беларускую мову творы Малдоніс пераклалі М. Базарэвіч, Р. Барадулін, Г. Бураўкін, А. Вольскі, В. Вярба, А. Грачанікаў, Х. Жычка, В. Зуёнак, М. Калачынскі, У. Караткевіч, Е. Лось, П. Макаль, Р. Няхай, С. Панізнік, У. Паўлаў, В. Пятрэнка, А. Разанаў, Ю. Свірка, Я. Сіпакоў.

Зноскі

1. Малдонис Альфонсас Мотеевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>