Аляксандра Аляксандраўна Сасновіч

Алякса́ндра Алякса́ндраўна Сасно́віч (нар. 22 сакавіка 1994 у Мінску) — беларуская тэнісістка. Майстар спорту Рэспублікі Беларусь міжнароднага класа. Паўфіналістка US Open-2019 у парным разрадзе разам са славачкай Вікторыяй Кужмавай. Фіналістка пяці турніраў WTA у адзіночным разрадзе.

Аляксандра Сасновіч
Нарадзілася	22 сакавіка 1994(1994-03-22)[1] (31 год) Мінск, Беларусь[2]
Грамадзянства	Беларусь
Рэзідэнцыя	Мінск, Беларусь
Рост	174 см
Вага	60 кг
Вядучая рука	правая
Удар злева	двуручны
Трэнер(ы)	Мікалай Фідзірка
Прызавыя грошы	US$ 4,071,120
Адзіночны разрад
Вынікі (в/п)	424–298[1]
Тытулы	11 ITF
Найвышэйшы рэйтынг	30 (10 верасня 2018)
Цяперашні рэйтынг	32 (22 жніўня 2022)
Турніры серыі Вялікага шлема
Аўстралія	3-і раўнд (2018)
Францыя	4-ы раўнд (2022)
Уімблдан	4-ы раўнд (2018)
ЗША	3-і раўнд (2018)
Парны разрад
Вынікі (в/п)	131–109[1]
Тытулы	7 ITF
Найвышэйшы рэйтынг	142 (28 кастрычніка 2013)
Турніры серыі Вялікага шлема
Францыя	3-і раўнд (2018)
Уімблдан	1-ы раўнд (2018)
ЗША	1/2 фіналу (2019)
Медыяфайлы на Вікісховішчы
Апошняе абнаўленне: 1 ліпеня 2019 года

Спартыўная кар’ера

У тэнісе з дзевяці гадоў; любімае пакрыццё — хуткі хард, лепшы ўдар — бэкхэнд па лініі.

Пераможца 18 турніраў TF (11 — у адзіночным разрадзе); паўфіналістка двух юніёрскіх турніраў Вялікага шлема ў парным разрадзе (US Open-2011, Roland Garros-2012).

Выступае за жаночую нацыянальную зборную Беларусі па тэнісе. Разам са зборнай дабілася права згуляць у фінале Кубка Федэрацыі ў 2017 годзе.

2022: Трэці фінал WTA

На турніры Melbourne Summer Set 2 2022^[en] Аляксандра Сасновіч дасягнула фіналу, але прайграла амерыканцы Амандзе Анісімавай у трох сэтах. Свой шлях на турніры яна пачала з кваліфікацыі, а ў асноўнай сетцы перамагла датчанку Клару Таўсан і амерыканку Эн Лі.

У першым раундзе Australian Open сустракалася з пераможцай кваліфікацыі Чжэн Цыньвень з Кітая. Лёс матчу рашаўся на тай-брэйку трэцага сэта, у якім Сасновіч прайграла з лікам 5-10.

У лютым на турніры ў Санкт-Пецярбургу Сасновіч паспяхова прайшла два раўнды, атрымаўшы перамогі над Магдай Лінет і Жаклін Крысціян. У чвэрцьфінале сустракалася з Алёнай Астапенка з Латвіі, з якой дагэтуль сустракалася тройчы і ні разу не перамагла^[3]. Сасновіч мела шанцы на поспех, але ў чарговы раз прайграла. Матч працягваўся дзве з паловай гадзіны і скончыўся з лікам 6-7, 6-4, 3-6.

Турнір катэгорыі Premier 5 у Досе пачала з кваліфікацыі, дзе ўпэўнена перамагла румынку Ану Богдан (6-1, 6-1) і бельгійку Кірстэн Фліпкенс (6-3, 6-2). У першым раўндзе асноўнай сеткі разграміла першую ракетку Кітая Чжан Шуай з лікам 6-1, 6-1. Наступнай суперніцай стала прадстаўніца Туніса Унс Джабір. Сасновіч упэўнена выйграла першы сэт, але не здолела перамагчы дзясятую ракетку свету (6-1, 5-7, 3-6). Такім чынам, лік асабістых сустрэч паміж тэнісісткамі стаў 3-0^[4].

На турніры ў Індзіян-Уэлсе Сасновіч перамагла калумбійку Асорыю Серана ў двух сэтах 6-4, 5-0 (ret.), але прайграла Петры Квітавай у другім раўндзе (7-6, 4-6, 4-6). Выдатным для Аляксандры стаў наступны турнір у Маямі, дзе яна ўпершыню ў кар’еры дасягнула 1/8 фіналу. На «пятым шлеме» беларуска паслядоўна перамагла кітаянку Ван, расіянку Касаткіну і румынку Бегу, з якой дагэтуль сустракалася тройчы і не мела перамог. Наступнай суперніцай Сасновіч стала швейцарка Бенчыч. Сустрэча скончылася з лікам 6-2, 6-3 на карысць швейцаркі, якая на гэтым турніры дайшла да паўфіналу. Дзякуючы поспехам у сакавіку Сасновіч паднялася на 51 месца ў рэйтынгу WTA.

Фіналы турніраў WTA

Адзіночны разрад: 4 (4 паразы)

Катэгорыя Grand Slam (0-0) WTA 1000 (0-0) Premier / WTA 500 (0-1) International / WTA 250 (0-3)

Пакрыццё Хард (0-4) Грунт (0-0) Трава (0-0) Дыван (0-0)

Вынік	W-L	Дата	Турнір	Катэгорыя	Пакрыццё	Суперніца ў фінале	Лік
Параза	0-1	Верасень 2015	Korea Open, Паўднёвая Карэя	International	Хард	Ірына-Камелія Бегу	3-6, 1-6
Параза	0-2	Студзень 2018	Brisbane International, Аўстралія	Premier	Хард	Эліна Світоліна	2-6, 1-6
Параза	0-3	Студзень 2022	Melbourne Summer Set, Аўстралія	WTA 250	Хард	Аманда Анісімава	5-7, 6-1, 4-6
Параза	0-4	Жнівень 2022	Tennis in Cleveland, ЗША	WTA 250	Хард	Людміла Самсонава	1-6, 3-6

Зноскі

1. Player Profile // WTA website

   <a href='https://wikidata.org/wiki/Track:Q14580067'></a>
2. ITF website

   <a href='https://wikidata.org/wiki/Track:Q14580049'></a>