Аляксандра Уладзіміраўна Гурко

Аляксандра Уладзіміраўна Гурко (дзявочае Верашчагіна; нар. 7 кастрычніка 1961, Мінск) — беларускі этнолаг. Доктар гістарычных навук (2003)^[1].

Аляксандра Уладзіміраўна Гурко
Дата нараджэння	7 кастрычніка 1961(1961-10-07) (63 гады)
Месца нараджэння	Мінск, Беларуская ССР, СССР
Грамадзянства	СССР  Беларусь
Род дзейнасці	гісторык, рэлігіязнавец, этнолаг
Месца працы	Гродзенскі дзяржаўны музей гісторыі рэлігіі Інстытут мастацтвазнаўства, этнаграфіі і фальклору імя Кандрата Крапівы НАН Беларусі Аляксандр Віктаравіч Гурко
Навуковая ступень	доктар гістарычных навук (2003)
Навуковае званне	дацэнт
Альма-матар	гістарычны факультэт БДУ (1983)
Прэміі	Прэмія «За духоўнае адраджэнне»

У Вікіпедыі ёсць артыкулы пра іншых людзей з прозвішчам Гурко.

У Вікіпедыі ёсць артыкулы пра іншых людзей з прозвішчам Верашчагіна (значэнні).

Біяграфія

Скончыла ў 1983 годзе БДУ. З 1987 года ў Беларускім музеі гісторыі рэлігіі. З 1995 года ў Інстытуце мастацтвазнаўства, этнаграфіі і фальклору НАН Беларусі, з 2006 года загадчыца аддзела^[1].

Навуковая дзейнасць

Даследуе асаблівасці царкоўнага жыцця беларусаў (праваслаўных, католікаў і пратэстантаў), гісторыю канфесій на тэрыторыі Беларусі, сучасную канфесійную структуру беларускага грамадства, ролю, месца і асаблівасці рэлігійнай абраднасці ў ім. Аўтар кніг «Святы, абрады і таінствы ў жыцці хрысціян Беларусі» (2009), вучэбных дапаможнікаў «Праваслаўныя святы на Беларусі» (2001), «Хрысціянскія святы на Беларусі» (2005). Адзін з аўтараў кнігі «Гісторыя канфесій на Беларусі ў другой палове XX стагоддзя» (1999), «Гісторыя канфесій на Беларусі: мінулае і сучаснасць», «Беларусь на мяжы тысячагоддзяў» (абедзве 2000), «Беларусы, Т. 6. Грамадскія традыцыі» (2002), «Беларусы. Т. 10. Славянскія этнакультурныя традыцыі» (2007), «Беларусы. Сучасныя этнакультурныя працэсы» (2009), «Этнакультурныя працэсы ва Усходнім Палессі ў мінулым і сучасным» (2010), «Хто жыве ў Беларусі» (2012)^[1].

Узнагароды

Лаўрэатка прэміі Прэзідэнта Рэспублікі Беларусь «За духоўнае адраджэнне» (2008)^[1].

Сям'я

У шлюбе з этнолагам Аляксандрам Гурко.