Аляксандр Іванавіч Бранцаў

Аляксандр Іванавіч Бранцаў (нар. 7 снежня 1948, г. Мінск) — беларускі мастак-афарміцель.

Аляксандр Іванавіч Бранцаў
Дата нараджэння	7 снежня 1948(1948-12-07) (76 гадоў)
Месца нараджэння	Мінск, Беларуская ССР, СССР
Грамадзянства	Беларусь
Род дзейнасці	мастак-афарміцель
Вучоба	Беларускі дзяржаўны тэатральна-мастацкі інстытут (1976)
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Бранцаў.

Біяграфія

Нарадзіўся 7 снежня 1948 года ў горадзе Мінску. Скончыў Беларускі тэатральна-мастацкі інстытут у 1976 годзе. Удзельнічае ў мастацкіх выставах з таго ж года^[1].

Член Беларускага саюза мастакоў з 1987 года^[1].

Жыве ў г. Мінску^[1].

Творчасць

Працуючы як мастак-афарміцель, у суаўтарстве ўдзельнічаў у распрацоўцы і афармленні шэрагу маштабных праектаў: праекта ВДНГ БССР да 60-годдзя СССР, выстаўкі «40 год Мастацкаму фонду БССР» у Мінску, праекта і візуальнага афармлення стадыёна «Дынама» да Алімпіяды-1980.

Сярод іншых работ — мемарыяльны музей у вёсцы Шунеўка (Віцебская вобласць), раздзел БССР на XII Сусветным фестывалі моладзі і студэнтаў у Маскве (1985), элементы мастацкага афармлення свята «Мінск-86» і выстаўкі «Мастакі тэатра, кіно і тэлебачання» (Мінск, 1987)^[1].

Узнагароды

Узнагароджаны дыпломам XII Сусветнага фестывалю моладзі і студэнтаў (1985)^[1].