Аляксандр Генадзьевіч Старавойтаў

Аляксандр Генадзьевіч Старавойтаў (нар. 23 лістапада 1973, Магілёў) — беларускі ўрач і палітык.

Аляксандр Генадзьевіч Старавойтаў
Нараджэнне	23 лістапада 1973(1973-11-23) (51 год) Магілёў, Магілёўская вобласць, Беларуская ССР, СССР
Адукацыя	Віцебскі дзяржаўны медыцынскі ўніверсітэт ІПКіПКАЗ Акадэмія кіравання пры Прэзідэнце Рэспублікі Беларусь
Узнагароды	Ганаровая грамата Міністэрства аховы здароўя Рэспублікі Беларусь[d] Ганаровая грамата Магілёўскага абласнога Савета дэпутатаў[d] Ганаровая грамата Магілёўскага гарадскога Савета дэпутатаў[d] Ганаровая грамата Магілёўскага гарадскога выканаўчага камітэта[d]

У Вікіпедыі ёсць артыкулы пра іншых людзей з прозвішчам Старавойтаў.

Біяграфія

Скончыў Віцебскі дзяржаўны ордэна Дружбы народаў медыцынскі інстытут па спецыяльнасці «Лячэбна-прафілактычная справа», клінічную ардынатуру ў Беларускай медыцынскай акадэміі паслядыпломнай адукацыі па спецыяльнасці «Анкалогія», Беларускую медыцынскую акадэмію паслядыпломнай адукацыі па спецыяльнасці «Кіраванне аховай здароўя», Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне сацыяльнай сферай».

Працаваў урачом-акушэрам-гінеколагам медыка-санітарнай часткі Магілёўскага вытворчага аб’яднання «Хімвалакно», урачом-анколагам Магілёўскага абласнога анкалагічнага дыспансера, галоўным спецыялістам па акушэрстве і гінекалогіі ўпраўлення аховы здароўя Магілёўскага аблвыканкама, галоўным урачом установы аховы здароўя «Магілёўская цэнтральная паліклініка».

З’яўляўся дэпутатам Магілёўскага гарадскога Савета дэпутатаў дваццаць шостага і дваццаць сёмага скліканняў. Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання.

Узнагароды

Узнагароджаны ганаровымі граматамі Міністэрства аховы здароўя Рэспублікі Беларусь, Магілёўскага абласнога Савета дэпутатаў, Магілёўскага гарадскога Савета дэпутатаў, Магілёўскага гарадскога выканаўчага камітэта^[1].

Зноскі

1. Старавойтаў Аляксандр Генадзевіч