Аляксандр Пятровіч Мацвейка

Аляксандр Пятровіч Мацве́йка^[1] (нар. 22 кастрычніка 1929) — вучоны ў галіне тэхналогіі і машын лесанарыхтовак і лясной гаспадаркі, доктар тэхнічных навук (2004), прафесар (1988). Акадэмік Беларускай інжынернай акадэміі (2005).

Аляксандр Пятровіч Мацвейка
Дата нараджэння	22 кастрычніка 1929(1929-10-22) (95 гадоў)
Месца нараджэння	Савалуцк, Любанскі раён, Бабруйская акруга, БССР, СССР
Грамадзянства	СССР  Беларусь
Род дзейнасці	настаўнік
Навуковая сфера	лясная гаспадарка
Месца працы	Беларускі дзяржаўны тэхналагічны ўніверсітэт
Навуковая ступень	доктар тэхнічных навук (2004)
Навуковае званне	прафесар (1988)
Альма-матар	Беларускі лесатэхнічны інстытут імя С. М. Кірава (1953)
Узнагароды

Біяграфія

Нарадзіўся ў былой вёсцы Савалуцк^[2] (у сучасным Любанскім раёне Мінскай вобласці Беларусі). у 1953 годзе скончыў Беларускі лесатэхнічны інстытут па спецыяльнасці «Лесаінжынерная справа» і застаўся працаваць у ім (1954—2015). У 1962 годзе скончыў аспірантуру пры Ленінградскай лесатэхнічнай акадэміі. У 1966 годзе абараніў кандыдацкую дысертацыю. У 1971—1985 гадах на пасадзе загадчыка кафедрай лясных машын і тэхналогіі лесанарыхтовак факультэта тэхналогіі і тэхнікі лясной прамысловасці Беларускага дзяржаўнага тэхналагічнага ўніверсітэта, у 1977—1981 гадах — дэкан факультэта .

Навуковая дзейнасць

Займаўся пытаннямі малаадходных і безадходных тэхналогій нарыхтоўкі драўнянай сыравіны і машын для іх рэалізацыі, крыніц драўнянай сыравіны і напрамкаў іх рацыянальнага выкарыстання. Аўтар больш за 200 навуковых прац, у тым ліку падручнікаў і вучэбных дапаможнікаў.

Сярод апублікаванага:

• Технология и машины лесосечных и лесовосстановительных работ. — Мн., 1975.
• Справочник мастера лесозаготовок. — Мн., 1993. (разам з А. С. Федарэнчыкам, Р. І. Завойскіх)
• Технология и оборудование лесозаготовительного производства. — Мн., 2006.

Узнагароды і званні

• Медаль «У азнаменаванне 100-годдзя з дня нараджэння Уладзіміра Ільіча Леніна» (1970)
• Медаль «Ветэран працы» (1988)
• Ганаровая грамата Вярхоўнага Савета БССР (1980)
• Ганаровыя граматы Міністэрства лясной прамысловасці СССР (1978, 1980)
• Нагрудны знак «Выдатнік адукацыі Рэспублікі Беларусь» (1999)
• Ганаровы грамадзянін горада Любань (2004)

Зноскі

1. Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10.
2. Спаленая фашыстамі ў 1942 годзе ў час карнай аперацыі «Бамберг»