Аляксандр Пятровіч Яцына

У Вікіпедыі ёсць артыкулы пра іншых людзей з прозвішчам Яцына.

Аляксандр Пятровіч Яцына (нар. 9 красавіка 1984) — беларускі ліхенолаг, міколаг, вучоны ў галіне біялагічнай разнастайнасці і аховы лішайнікаў і грыбоў. Кандыдат біялагічных навук (2015).

Аляксандр Пятровіч Яцына
Дата нараджэння	9 красавіка 1984(1984-04-09) (41 год)
Род дзейнасці	ліхенолаг, міколаг
Месца працы	Інстытут эксперыментальнай батанікі імя В. Ф. Купрэвіча НАН Беларусі біялагічны факультэт БДУ
Навуковая ступень	кандыдат біялагічных навук
Альма-матар	БДУ

Біяграфія

Скончыў у 2007 годзе Беларускі дзяржаўны ўніверсітэт. У 2009-2011 гадах навучаўся ў аспірантуры Інстытута эксперыментальнай батанікі імя В. Ф. Купрэвіча НАН Беларусі, з 2011 года супрацоўнік лабараторыі мікалогіі, вядучы навуковы супрацоўнік з 2019 года. З 2024 года загадчык кафедры батанікі біялагічнага факультэта БДУ.

Навуковая дзейнасць

Аўтар прац па пытаннях біялагічнай разнастайнасці, аховы і сістэматыкі лішайнікаў. Аўтар больш як 170 навуковых прац, у т. л. манаграфій, вучэбных дапаможнікаў, нарысаў у Чырвонай кнізе Рэспублікі Беларусь, артыкулаў у нацыянальных і замежных выданнях, энцыклапедыях і інш.