Аляксандр Сяргеевіч Сідараў

У Вікіпедыі ёсць артыкулы пра іншых людзей з прозвішчам Сідараў.

Аляксандр Сяргеевіч Сідараў (нар. 11 студзеня 1951, Віцебск) — беларускі мастак тэатра лялек, лаўрэат тэатральнай прэміі імя Л. Мазалеўскай (1994) і першы лаўрэат прэміі імя І. Ушакова (2001).

Аляксандр Сяргеевіч Сідараў
Дата нараджэння	11 студзеня 1951(1951-01-11) (74 гады)
Месца нараджэння	Віцебск, Віцебская вобласць, Беларуская ССР, СССР
Грамадзянства	Беларусь
Адукацыя	Ленінградскі дзяржаўны інстытут тэатра, музыкі і кінематаграфіі (1977)
Тэатр	Беларускі тэатр «Лялька» Брэсцкі абласны тэатр лялек
Член у	БСТД
Узнагароды	Прэмія імя Л. Мазалеўскай (1994) Прэмія імя І. Ушакова[d] (2001)

Біяграфія

У 1977 годзе скончыў Ленінградскі інстытут тэатра, музыкі і кінематаграфіі. У 1977—1988 гг. працаваў галоўным мастаком тэатра лялек у г. Іванава (Расія), дзе аформіў больш за 20 спектакляў.

У 1988 г. быў запрошаны на пасаду галоўнага мастака Брэсцкага абласнога тэатра лялек, у якім ажыццявіў сцэнаграфічнае вырашэнне спектакляў «Забыць Герастрата!» Р. Горына (1989) і «Чароўная лямпа Аладзіна» Н. Гернет (1990).

З 1990 г. А. Сідараў працуе галоўным мастаком Беларускага тэатра «Лялька» ў Віцебску. За сцэнаграфію спектакля «Ладдзя Роспачы» Р. Асвяціча паводле Уладзіміра Караткевіча, які быў пастаўлены ў 2000 годзе, А. Сідараў стаў першым лаўрэатам прэміі імя І. Ушакова (2001).

Член Беларускага саюза тэатральных дзеячаў з 1980 года.

Літаратура

• Тэатральная Беларусь: энцыклапедыя : [у 2 т.]. — Мінск, 2003. — Т. 2. — С.343-344.