Аляксандр Уладзіміравіч Свірыд

Аляксандр Уладзіміравіч Свірыд (нар. 7 лістапада 1946, Нача Ганцавіцкага раёна Брэсцкай вобласці) — беларускі палітык.

Аляксандр Уладзіміравіч Свірыд
Нараджэнне	7 лістапада 1946(1946-11-07) (78 гадоў) Нача, Ляхавіцкі раён, Баранавіцкая вобласць, Беларуская ССР, СССР
Партыя	Камуністычная партыя Беларусі
Адукацыя	Мінская вышэйшая партыйная школа Беларуская дзяржаўная сельскагаспадарчая акадэмія Расійская акадэмія дзяржаўнай службы
Узнагароды

У Вікіпедыі ёсць артыкулы пра іншых людзей з прозвішчам Свірыд.

Біяграфія

Скончыў Магілёўскую савецка-партыйную школу пры ЦК КПБ (эканаміст-арганізатар), Мінскую вышэйшую партыйную школу, Беларускую сельскагаспадарчую акадэмію (эканаміст-арганізатар сельскагаспадарчай вытворчасці), Расійскую акадэмію дзяржаўнай службы пры Прэзідэнце Расійскай Федэрацыі (менеджар-эканаміст).

Працоўную дзейнасць пачаў у калгасе «Праўда» Ганцавіцкага раёна. Служыў у радах Узброеных Сіл. Працаваў старшынёй выканкама Дзяніскавіцкага сельскага Савета дэпутатаў працоўных, інструктарам, старшынёй партыйнай камісіі Ганцавіцкага райкама КПБ, старшынёй калгаса «Расія», намеснікам старшыні калгаса «Праўда» Ганцавіцкага раёна, дырэктарам філіяла аптовага і камісійнага гандлю «Брэстаптгандаль», старшынёй Ганцавіцкага райвыканкама.

Выбіраўся дэпутатам Вярхоўнага Савета Рэспублікі Беларусь 13-га склікання, Палаты прадстаўнікоў Нацыянальнага сходу Рэспублікі Беларусь другога і трэцяга скліканняў. Прызначаўся дэпутатам Палаты прадстаўнікоў Нацыянальнага сходу Рэспублікі Беларусь першага склікання^[1].

Узнагароды

Узнагароджаны ордэнамі Пашаны, «Садружнасць» (Міжпарламенцкая Асамблея дзяржаў — удзельніц Садружнасці Незалежных Дзяржаў), юбілейным медалём «90 год Узброеных Сіл Рэспублікі Беларусь», ганаровымі граматамі^[2].

Зноскі

1. СВИРИД АЛЕКСАНДР ВЛАДИМИРОВИЧ Архівавана 2 верасня 2019.
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.