Аляксандр Цімафеевіч Караткевіч

Аляксандр Цімафеевіч Караткевіч (20 сакавіка 1922, вёска Стрыжава, Бешанковіцкі раён — 2005) — беларускі гісторык, кандыдат гістарычных навук (1954), прафесар (1977). Удзельнік партызанскага руху на Беларусі ў Вялікую Айчынную вайну.

Аляксандр Цімафеевіч Караткевіч
Дата нараджэння	20 сакавіка 1922(1922-03-20)
Месца нараджэння	Стрыжава, Бешанковіцкі сельсавет, Бешанковіцкі раён, Беларусь
Дата смерці	2005
Грамадзянства	Беларуская ССР
Род дзейнасці	гісторык
Месца працы	Мінская вышэйшая партыйная школа БДПУ
Навуковая ступень	кандыдат гістарычных навук (1954)
Навуковае званне	прафесар (1977)
Альма-матар	БДУ (1949) Рэспубліканская партыйная школа пры ЦК КП(б)Б (1950)
Узнагароды

У Вікіпедыі ёсць артыкулы пра іншых людзей з прозвішчам Караткевіч.

Біяграфія

Скончыў БДУ (1949) і Рэспубліканскую партыйную школу пры ЦК КП(б)Б (1950). У 1944—1948 гг. на камсамольскай рабоце, з 1950 г. выкладчык Мінскай ВПШ, з 1958 г. першы сакратар Ленінскага РК КПБ г. Мінска, з 1960 г. сакратар Мінскага гаркама КПБ, з 1962 г. загадчык аддзела Мінскага прамысловага абкама КПБ. У 1964—1969 гг. сакратар Мінскага абкама КПБ, у 1969—1977 гг. загадчык аддзела навукі і навучальных устаноў ЦК КПБ. У 1977—1993 гг. рэктар Мінскага педагагічнага інстытута імя М. Горкага. З 1993 г. прафесар кафедры славянскай гісторыі Беларускага дзяржаўнага педагагічнага ўніверсітэта імя Максіма Танка. Аўтар навуковых прац па гісторыі, народнай асвеце і педагогіцы. Дэпутат Вярхоўнага Савета БССР у 1967—1990 гг.

Узнагароды

Узнагароджаны ордэнамі Працоўнага Чырвонага Сцяга, Чырвонай Зоркі, двума ордэнамі Айчыннай вайны II ступені, Дружбы Народаў, 12 медалямі.

Зноскі