Аляксей Максімавіч Казлоў

Аляксей Максімавіч Казлоў (нар. 4 чэрвеня 1949, в. Карманоўка Бялыніцкага раёна Магілёўскай вобласці) — беларускі палітык.

Аляксей Максімавіч Казлоў
Нараджэнне	4 чэрвеня 1949(1949-06-04) (76 гадоў) Карманоўка, Машчаніцкі сельсавет, Бялыніцкі раён, Магілёўская вобласць, Беларуская ССР, СССР
Адукацыя	Беларускі дзяржаўны ўніверсітэт інфарматыкі і радыёэлектронікі
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Казлоў.

У Вікіпедыі ёсць артыкулы пра іншых людзей з прозвішчам Аляксей Казлоў.

Біяграфія

Скончыў Мінскі радыётэхнічны інстытут, інжынер-канструктар-тэхнолаг радыёапаратуры.

Працоўную дзейнасць пачаў радыёмеханікам радыёатэлье ў горадзе Магілёве. Служыў у радах Узброеных Сіл. Працаваў інжынерам-тэхнолагам, майстрам-тэхнолагам, намеснікам начальніка цэха, намеснікам сакратара парткама, старшынёй прафкама, начальнікам упраўлення сацыяльнабытавога развіцця, намеснікам генеральнага дырэктара навукова-вытворчага аб’яднання «Інтэграл».

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны медалямі «За працоўную адзнаку», «За воінскую доблесць», Ганаровай граматай Нацыянальнага сходу Рэспублікі Беларусь^[1].

Зноскі

1. ПАРЛАМЕНТ. Национальное собрание Республики Беларусь четвертого созыва