Амброзіус Брэйгель

У Вікіпедыі ёсць артыкулы пра іншых людзей з прозвішчам Брэйгель.

Амброзіус Брэйгель (нідэрл. Ambrosius Brueghel; 10 жніўня 1617, Антверпен — 9 лютага 1675, там жа) — фламандскі мастак, вядомы пейзажамі і нацюрмортамі. Сын Яна Брэйгеля Старэйшага, брат Яна Брэйгеля Малодшага.

Амброзіус Брэйгель
Род дзейнасці	мастак
Дата нараджэння	1617[1][2][…]
Месца нараджэння	Антверпен, Герцагства Брабант, Габсбургскія Нідэрланды[3]
Дата смерці	1675
Месца смерці	Антверпен, Герцагства Брабант, Габсбургскія Нідэрланды[3]
Грамадзянства	Габсбургскія Нідэрланды
Бацька	Ян Брэйгель Старэйшы[3]
Член у	Антверпенская гільдыя Святога Лукі[d]
Медыяфайлы на Вікісховішчы

Біяграфія і творчасць

Амброзіус Брэйгель нарадзіўся каля 10 жніўня 1617 года ў Антверпене. Ён быў пятым дзіцем Яна Брэйгеля Старэйшага, якія нарадзіліся ў шлюбе з яго другой жонкай Катарынай ван Марыенбург. Жывапісу вучыўся ў старэйшага брата Яна, сына Яна Брэйгеля Старэйшага і яго першай жонкі Ізабелы дэ Ёдэ.

У 1645 годзе Амброзіус Брэйгель стаў членам антверпенскай Гільдыі Святога Лукі; пасля ён неаднаразова (у 1653, 1665, 1671 і 1673 гадах) абіраўся яе дэканам. Тады ж, каля 1645 года, ён далучыўся да рытарычнага гуртка De Violieren. У 1649 годзе ажаніўся з Ганнай Кларай Трыест; у гэтым шлюбе нарадзілася чацвёра дзяцей.

У 1650-х гадах Амброзіус адправіўся да брата Яна ў Парыж, дзе прабыў з 1657 па 1662 год. У 1663 годзе, вярнуўшыся ў Антверпен, ён стаў выкладчыкам Акадэміі мастацтваў, заснаванай мужам яго сястры Ганны, Давідам Тэнірсам Малодшым.

Амброзіус Брэйгель памёр у Антвэрпэне 9 лютага 1675 года.

Зноскі

1. Ambrosius Brueghel

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
2. Ambrosius Brueghel // Kunstindeks Danmark Праверана 9 кастрычніка 2017.

   <a href='https://wikidata.org/wiki/Track:Q3362041'></a>
3. ECARTICO Праверана 16 кастрычніка 2025.

   <a href='https://wikidata.org/wiki/Track:Q24694883'></a>