Анатоль Мікалаевіч Папко

Анатоль Мікалаевіч Папко (2 верасня 1943, в. Баславічы, Слуцкі раён) — беларускі краязнавец.

Анатоль Мікалаевіч Папко
Дата нараджэння	2 верасня 1943(1943-09-02) (81 год)
Месца нараджэння	Баславічы, Знаменскі сельсавет, Слуцкі раён, Мінская вобласць, Беларуская ССР, СССР
Род дзейнасці	краязнавец
Альма-матар	Мінскі дзяржаўны педагагічны інстытут імя Максіма Горкага (1966)

У Вікіпедыі ёсць артыкулы пра іншых людзей з прозвішчам Папко.

Біяграфія

Сакончыў у 1966 годзе Мінскі педагагічны інстытут імя М. Горкага. З 1966 г. жыве і працуе на Уздзеншчыне — спачатку інспектарам аддзела культуры Уздзенскага раённага выканаўчага камітэта, потым загадчыкам раённай бібліятэкі, загадчыкам аддзела культуры, літсупрацоўнікам раённай газеты «Чырвоная зорка». З лютага 1981 г. працуе дырэктарам Уздзенскага гісторыка-краязнаўчага музея. Вывучае гісторыю Уздзеншчыны, апублікаваў шэраг артыкулаў у раённай і абласной газетах. Пад яго кіраўніцтвам праводзілася работа па зборы матэрыялаў для гісторыка-дакументальнай хронікі «Памяць: Уздзенскі раён».