Анвар аль-Аўлакі

Анвар аль-Аўлакі (22 красавіка 1971, Лас-Крусес, Нью-Мексіка, ЗША — 30 верасня 2011, Емен^[1]) — радыкальны ісламскі прапаведнік амерыканскага паходжання. Стаў вядомы сваімі пропаведзямі ў Інтэрнэце ў падтрымку дзеянняў радыкальных ісламісцкіх груп, у тым ліку Аль-Каіды. Лічыўся ідэалагічным лідарам Аль-Каіды на Аравійскім паўвостраве.

Анвар аль-Аўлакі
أنور العولقي
Род дзейнасці	інжынер
Дата нараджэння	22 красавіка 1971(1971-04-22)
Месца нараджэння	Лас-Крусес, Doña Ana County[d], Нью-Мексіка, ЗША
Дата смерці	30 верасня 2011(2011-09-30) (40 гадоў)
Месца смерці	Эль-Джауф[d], Емен
Грамадзянства	ЗША  Емен
Веравызнанне	Іслам
Бацька	Nasser al-Awlaki[d]
Дзеці	5 дзяцей (3 хлопчыка, 2 дзяўчынкі)
Альма-матар	Сан-Дыегаўскі дзяржаўны ўніверсітэт Універсітэт Джорджа Вашынгтона Каларадскі дзяржаўны ўніверсітэт
Медыяфайлы на Вікісховішчы

Біяграфія

Нарадзіўся ў сям'і выхадца з Емена.

Увосень 2010 года ўлады ЗША абвясцілі Анвара аль-Аўлакі «тэрарыстам нумар адзін», якім да гэтага лічыўся Усама бін Ладэн^[2]. Быў уключаны ў складзены ЦРУ спіс асоб, якія падлягаюць неадкладнай ліквідацыі, бо ўяўляюць сабою асобую пагрозу для інтарэсаў ЗША.

Бездакорна валодаў англійскай мовай, чым актыўна карыстаўся для агітацыі мусульманскай моладзі краін Еўрасаюза і Амерыкі на барацьбу з дзяржавамі, якія ўдзельнічаюць у вайне супраць ісламістаў.

Сям'я

Меў пецярых дзяцей — трох хлопчыкаў і дзвюх дзяўчынак. Па стане на лістапад 2009 года ўсе яны, а таксама яго жонка знаходзіліся ў Сане разам з яго бацькам Насерам аль-Аўлакі.

Смерць

Па сцвярджэннях прадстаўнікоў улад Емена, 30 верасня 2011 года быў забіты падчас боесутыкнення баявікоў Аль-Каіды на Аравійскім паўвостраве з урадавымі войскамі^[1]. Па іншай версіі, загінуў у выніку ўдару амерыканскага беспілотнага бамбардзіроўшчыка^[3]. Неўзабаве яго смерць афіцыйна пацвердзіў прэзідэнт ЗША Барак Абама^[4].

Зноскі

1. У Емене забіты новы «тэрарыст нумар адзін»
2. Труд: Анвар аль-Авлаки стал «террористом номер один»
3. Емен паведамляе пра пагібель лідара мясцовай «Аль-Каіды»
4. Абама пацвердзіў ліквідацыю новага тэрарыста нумар 1