Андрэй Леанідавіч Самафалаў

Андрэй Леанідавіч Самафалаў (нар. 4 снежня 1977, в. Карма, Добрушскі раён, Гомельская вобласць) — беларускі радыёфізік. Кандыдат фізіка-матэматычных навук (2013), дацэнт.

Андрэй Леанідавіч Самафалаў
Дата нараджэння	4 снежня 1977(1977-12-04) (47 гадоў)
Месца нараджэння	Карма, Кармянскі сельсавет, Добрушскі раён, Гомельская вобласць, Беларуская ССР, СССР
Род дзейнасці	радыёфізік
Месца працы	факультэт фізікі і інфармацыйных тэхналогій ГДУ імя Ф. Скарыны
Навуковая ступень	кандыдат фізіка-матэматычных навук (2013)
Навуковае званне	дацэнт
Альма-матар	Гомельскі дзяржаўны ўніверсітэт імя Францыска Скарыны (2000)

У Вікіпедыі ёсць артыкулы пра іншых людзей з прозвішчам Самафалаў.

Біяграфія

Нарадзіўся 4 снежня 1977 года ў вёсцы Карма Добрушскага раёна Гомельскай вобласці. У 2000 годзе скончыў Гомельскі дзяржаўны ўніверсітэт імя Францыска Скарыны па спецыяльнасці «Фізіка. Тэхнічная творчасць» з адзнакай^[1]. У 2003 годзе завяршыў аспірантуру гэтага ж універсітэта па спецыяльнасці «Оптыка»^[2].

Працоўную дзейнасць на факультэце фізікі і інфармацыйных тэхналогій ГДУ пачаў у 2003 годзе ў якасці асістэнта кафедры агульнай фізікі^[2]. У 2012—2014 гадах займаў пасаду старшага выкладчыка гэтай кафедры. 7 чэрвеня 2013 года абараніў кандыдацкую дысертацыю і атрымаў вучоную ступень кандыдата фізіка-матэматычных навук^[1].

У 2014 годзе працаваў намеснікам дэкана фізічнага факультэта. З 2015 года — дацэнт кафедры агульнай фізікі^[2]. Выкладае курсы «Механіка», «Фізіка», «Оптыка», «Асновы алгарытмізацыі і праграмавання», «Архітэктура ЭВМ» (лекцыі, практычныя і лабараторныя заняткі)^[1]. З 2023 года дэкан факультэта фізікі і інфармацыйных тэхналогій ГДУ імя Ф. Скарыны^[3][4].

Навуковая дзейнасць

Асноўныя навуковыя інтарэсы звязаныя з даследаваннем узаемадзеяння электрамагнітных хваль ЗВЧ і ТГц-дыяпазону з штучнымі асяроддзямі^[1][2], а таксама з методыкай выкладання фізікі^[2].