Андрэй Раманавіч Чыкаціла

Андрэй Раманавіч Чыкаціла (руск.: Андрей Романович Чикатило; 16 кастрычніка 1936(1936-10-16)^[1][2][…], Яблучнэ, УССР, СССР — 14 лютага 1994(1994-02-14)^[1][2][…], Новачаркаск, Растоўская вобласць) — адзін з найвядомейшых і найбязлітаснейшых савецкіх серыйных забойцаў, гвалтаўнік, педафіл, канібал, які з 1978 па 1990 год здзейсніў 53 даказаных забойствы (прызнаўся ў 55 забойствах; паводле аператыўных дадзеных, здзейсніў больш за 65 забойстваў): 21 хлопчыка ва ўзросце ад 7 да 16 гадоў, 14 дзяўчат ва ўзросце ад 9 да 17 гадоў і 17 старэйшых дзяўчат і жанчын у РСФСР, Украінскай ССР і Узбекскай ССР. Да серыі забойстваў працаваў настаўнікам, спрабуючы разбэсціць непаўналетніх вучняў ды вучаніц.

Андрэй Раманавіч Чыкаціла
Дата нараджэння	16 кастрычніка 1936(1936-10-16)[1][2][…]
Месца нараджэння	Яблучнэ, УССР, СССР
Грамадзянства	СССР  Расія
Дата смерці	14 лютага 1994(1994-02-14)[1][2][…] (57 гадоў)
Месца смерці	Новачаркаск, Растоўская вобласць, Расія
Забойствы
Выкарыстоўваемая зброя	Нож, малаток, рукі, матуз

У большасці ажыццёўленных злачынстваў ён заманьваў ахвяраў у пустыя, бязлюдныя месцы, наносіў цялесныя пашкоджанні і забіваў. Некаторыя целы сваіх ахвяраў ён гвалтаваў, расчляняў ды з’ядаў^[3].

Да яго арышту былі расстраляныя два чалавекі, якія не мелі дачынення да гэтых злачынстваў. Быў затрыманы ў ходзе маштабнай спецыяльнай аперацыі «Лесапаласа»^[4], прызнаны годным асуджэння, прыгавораны да смяротнага пакарання і расстраляны.