Андрэй Трафімавіч Шакура

Андрэй Трафімавіч Шакура (27 верасня 1923, в. Міцькаўшчына, Мсціслаўскі павет — 6 красавіка 1996, г.Барысаў) — дзяржаўны дзеяч, Герой Сацыялістычнай Працы (1966).

Андрэй Трафімавіч Шакура
Дата нараджэння	27 верасня 1923(1923-09-27)
Месца нараджэння	Міцькаўшчына, Краснагорскі сельсавет, Мсціслаўскі раён, Беларусь
Дата смерці	6 красавіка 1996(1996-04-06) (72 гады)
Грамадзянства	СССР
Альма-матар	Мсціслаўскае педагагічнае вучылішча[d] Тамбоўскае пяхотнае вучылішча[d] (1942)
Партыя	КПСС
Узнагароды і прэміі

Біяграфія

Нарадзіўся 27 верасня 1923 года ў в. Міцькаўшчына Мсціслаўскага павета ў сялянскай сям’і. Да вайны закончыў школу, Мсціслаўскае педвучылішча. У 1942 годзе скончыў Тамбоўскае пяхотнае вучылішча.

У Чырвонай Арміі з ліпеня 1941 года. Ваяваў на Заходнім, Волхаўскім, Ленінградскім і 3-ім Беларускім франтах, камандзір узвода, роты.

Пасля вайны вярнуўся ў родныя мясціны, працаваў у фінансавых органах Мсціслаўскага раёна, працягваў вучыцца ў Бабруйскай абласной аднагадовай партыйнай школе. З 1953 года — старшыня калгаса «Чырвонаармеец», з 1959 года — старшыня калгаса «ХХІ з’езд КПСС».

Выбіраўся дэпутатам Вярхоўнага Савета БССР, дэпутатам Вярхоўнага Савета СССР.

Узнагароды

За поспехі ў развіцці жывёлагадоўлі, павелічэнні вытворчасці і нарыхтовак мяса, малака і іншай сельскагаспадарчай прадукцыі прысвоена званне Героя Сацыялістычнай Працы (1966). Узнагароджаны двума ордэнамі Леніна, ордэнамі Кастрычніцкай Рэвалюцыі, Чырвонага Сцяга, двума Айчыннай вайны І ступені, двума Айчыннай вайны ІІ ступені, ордэнам Аляксандра Неўскага, медалямі.

Зноскі