Анжаліка Кербер

У Вікіпедыі ёсць артыкулы пра іншых людзей з прозвішчам Кербер.

Анжаліка Кербер (ням.: Angelique Kerber, нар. 18 снежня 1988, Брэмен, ФРГ) — прафесійная тэнісістка, якая выступае за Германію; былая першая ракетка свету ў адзіночным рэйтынгу, пераможца трох турніраў Вялікага шлема ў адзіночным разрадзе (Адкрыты чэмпіянат Аўстраліі — 2016, Адкрыты чэмпіянат ЗША па тэнісе — 2016, Уімблданскі турнір — 2018); фіналістка аднаго турніру Вялікага шлема ў адзіночным разрадзе (Уімблдан-2016); сярэбраны прызёр Алімпійскіх гульняў 2016 года ў адзіночным разрадзе; пераможца 12 турніраў WTA ў адзіночным разрадзе; фіналістка Кубка Федэрацыі (2014) у складзе нацыянальнай зборнай Германіі.

Анжаліка Кербер
англ.: Angelique Kerber
Нарадзілася	18 студзеня 1988(1988-01-18)[1][2][…] (37 гадоў) Брэмен, Вольны ганзейскі горад Брэмен, Германія[3]
Грамадзянства	Германія[3]
Рэзідэнцыя	Пушчыкова[4] Кіль[4]
Рост	173 см[3]
Вага	68 кг[3]
Прафесійная кар’ера	2003[2] — 2024
Вядучая рука	леварукасць[5] і двухручны бэкхэнд[d][5]
Прызавыя грошы	32 519 180 $[6]
Адзіночны разрад
Вынікі (в/п)	683–378[6]
Парны разрад
Вынікі (в/п)	59–63[6]
angelique-kerber.de (англ.)​ (ням.)​ (польск.)
Медыяфайлы на Вікісховішчы

Агульная інфармацыя

Анжаліка — адна з дзвюх дачок у польскай сям’і Беаты і Славаміра Кербераў, які мае таксама і нямецкія карані. Яе сястру клічуць Джэсіка.

Пачала гуляць у тэніс у тры гады. Паралельна яна сур’ёзна займалася плаваннем, паказвала добрыя рэзультаты на мясцовых спаборніцтвах, але ў выніку засяродзілася на тэнісе. Бацькі садзейнічалі захапленню дачкі, а маці дагэтуль з’яўляецца яе менеджарам.

Любіць гуляць на ўсіх пакрыццях, больш за ўсё аддаючы перавагу траве. Улюбёныя турніры — Індыян-Уэлс і Адкрыты чэмпіянат Аўстраліі. Мае сваю тэнісную акадэмію. Кумірам у свеце тэніса ў дзяцінстве была Штэфі Граф.