Анжэла Мікалаеўна Мельнікава

У Вікіпедыі ёсць артыкулы пра іншых людзей з прозвішчам Мельнікава.

Анжэла Мікалаеўна Мельнікава (12 сакавіка 1969, Гомель) — беларуская літаратуразнаўца і літаратурны крытык. Доктар філалагічных навук, прафесар.

Анжэла Мікалаеўна Мельнікава
Дата нараджэння	12 сакавіка 1969(1969-03-12) (56 гадоў)
Месца нараджэння	Гомель, Гомельская вобласць, Беларуская ССР, СССР
Грамадзянства	Беларусь
Муж	Андрэй Міхайлавіч Мельнікаў
Род дзейнасці	літаратуразнаўца
Месца працы	Гомельскі дзяржаўны ўніверсітэт імя Францыска Скарыны філалагічны факультэт Гомельскага дзяржаўнага ўніверсітэта імя Ф. Скарыны
Навуковая ступень	доктар філалагічных навук
Альма-матар	Гомельскі дзяржаўны ўніверсітэт імя Францыска Скарыны філалагічны факультэт Гомельскага дзяржаўнага ўніверсітэта імя Ф. Скарыны

Біяграфія

Нарадзілася 12 сакавіка 1969 года ў Гомелі. З адзнакай скончыла Гомельскі дзяржаўны ўніверсітэт імя Францыска Скарыны ў 1991 годзе, дзе пасля засталася працаваць як выкладчык кафедры беларускай літаратуры (загадчык Іван Штэйнер), з 2000 — дацэнт, з 2019 — прафесар кафедры. У 1995 годзе скончыла аспірантуру Інстытута літаратуры імя Янкі Купалы НАН Беларусі. Кандыдат філалагічных навук (1996), доктар філалагічных навук (2018). У 2020 годзе атрымала вучонае званне прафесара.

Навуковая дзейнасць

Кола навуковых інтарэсаў: гісторыя беларускай літаратуры, кампаратывістыка.

З’яўляецца членам спецыялізаванага савета па абароне доктарскіх дысертацый, выступае ў якасці афіцыйнага апанента і эксперта на абаронах кандыдацкіх і доктарскіх дысертацый, рэцэнзента навуковых часопісаў.

Сябра навуковай рады часопіса «Аcta Аlbaruthenica» (Варшаўскі ўніверсітэт)^[1].

Уваходзіла ў склад журы конкурсу Е. Гедройця (2019, 2021)^[2].

Удзельнік Міжнародных з’ездаў славістаў (Мінск, 2013; Бялград, 2018), Міжнароднага кангрэса даследчыкаў Беларусі (2013, 2014, 2015, 2019). У 2017 — у шорт-лісце Прэміі Міжнароднага кангрэса даследчыкаў Беларусі.

Манаграфіі і асобныя выданні

• Мельнікава А. М. Беларуская літаратура ХХ стагоддзя ў еўрапейскім кантэксце. — Гомель: ГДУ імя Ф. Скарыны, 2007. — 126 с.
• Мельнікава А. М. Паэтыка твораў Кузьмы Чорнага. — Гомель: ГДУ імя Ф. Скарыны, 2008. — 188 с.
• Мельнікава А. М. Літаратура і час: плыні, тэндэнцыі, постаці. — Гомель: ГДУ імя Ф. Скарыны, 2011. — 198 c.
• Мельнікава А. М. Нацыянальна-светапоглядныя каардынаты беларускай літаратуры першай трэці ХХ стагоддзя. — Гомель: ГДУ імя Ф. Скарыны, 2016. — 214 с.

Зноскі

1. http://www.albaruthenica.uw.edu.pl/en/?SCIENTIFIC_ADVISORY_BOARD
2. Распачаты дзясяты юбілейны сезон прэміі Гедройця (бел.)