Антаніна Лаўрэнцьеўна Леановіч

У Вікіпедыі ёсць артыкулы пра іншых людзей з прозвішчам Леановіч.

Антаніна Лаўрэнцьеўна Леано́віч^[2] (15 студзеня 1929, Барысаў, Мінская вобласць — 22 мая 2020^[3]) — беларускі неўрапатолаг, доктар медыцынскіх навук, прафесар.

Антаніна Лаўрэнцьеўна Леановіч
Дата нараджэння	15 студзеня 1929(1929-01-15)
Месца нараджэння	Барысаў, Менская акруга, Беларуская ССР, СССР
Дата смерці	22 мая 2020(2020-05-22)[1] (91 год)
Грамадзянства	СССР  Беларусь
Род дзейнасці	урач, вучоная
Навуковая сфера	неўрапаталогія[d]
Месца працы	Беларускі дзяржаўны інстытут удасканалення ўрачоў Рэспубліканскі навукова-практычны цэнтр неўралогіі і нейрахірургіі
Навуковая ступень	доктар медыцынскіх навук (1968)
Навуковае званне	прафесар[d]
Альма-матар	Мінскі медыцынскі інстытут (1951)

Біяграфія

У 1946 годзе скончыла сярэднюю школу, у 1951 годзе — Мінскі медыцынскі інстытут, лячэбны факультэт.

З 1951 па 1954 год працавала ардынатарам 2-й клінічнай бальніцы Мінска, а з 1954 па 1961 гады — Навуковым супрацоўнікам Беларускага навукова-даследчага інстытута неўралогіі, нейрахірургіі і фізіятэрапіі.

У студзені 1961 года абрана на пасаду асістэнта кафедры неўрапатолагі Беларускага дзяржаўнага інстытута удасканалення ўрачоў (сучасная БелМАПА), у кастрычніку 1968 года — дацэнта гэтай жа кафедры. У чэрвені 1973 года абрана загадчыцай кафедры неўрапатолагі БелДІУУ, дзе прапрацавала да 1992 года.

Навуковая дзейнасць

Кандыдацкую дысертацыю на тэму «Клінічныя асаблівасці рассеянага склерозу ў сувязі з сералагічнымі і алергічнымі рэакцыямі» абараніла ў 1961 годзе; доктарскую «Да дыферэнцыяльнай дыягностыкі і патагенезу некаторых дэміалінізаваных захворванняў нервовай сістэмы» — у 1968 годзе

Апублікавала больш за 160 навуковых прац і 8 манаграфій, якія прысвечаны рассеянаму склерозу, лейкаэнцефалітам, інфекцыйна-алергічнаму энцэфаліту, полірадыкуланеўрытам і інш.

Зноскі

1. https://belmapo.by/leonovich-antonina-lavrentevna.-nekrolog.html
2. БелЭн 1999.
3. ЛЕОНОВИЧ Антонина Лаврентьевна. НЕКРОЛОГ Архівавана 30 сакавіка 2023. (руск.) // Сайт БелМАПА