Апалонія Савёнак

Апалонія Савёнак (дзявочае Раткевіч; 8 кастрычніка 1901, Лагойшчына — 10 красавіка 1982, Памона, Нью-Джэрсі, ЗША) — беларускі педагог, пісьменніца.

Апалонія Савёнак
Асабістыя звесткі
Дата нараджэння	8 кастрычніка 1901(1901-10-08)
Месца нараджэння	Лагойскі раён, Беларусь
Дата смерці	10 красавіка 1982(1982-04-10) (80 гадоў)
Месца смерці	Памона[d], Галаўэй, Атлантык[d], Нью-Джэрсі, ЗША
Пахаванне	Беларускія могілкі ў Іст-Брансуіку
Муж	Лявон Савёнак
Дзеці	Зора Кіпель
Альма-матар	БДУ
Прафесійная дзейнасць
Род дзейнасці	педагог, пісьменніца
Грамадская дзейнасць
Член у	Краязнаўчае таварыства БДУ[d]

У Вікіпедыі ёсць артыкулы пра іншых людзей з прозвішчам Савёнак.

У Вікіпедыі ёсць артыкулы пра іншых людзей з прозвішчам Раткевіч.

Біяграфія

Нарадзілася ў 1901 годзе на Лагойшчыне.

Скончыла БДУ. Сябра Краязнаўчага таварыства БДУ. У 1922 годзе пазнаёмілася з будучым мужам Лявонам Савёнкам, які з групай глыбоцкіх настаўнікаў прыехаў у Менск на пачатку першай беларусізацыі^[1].

У 1920—1930-х настаўнічала. Ад 1944 г. — на эміграцыі. У Беларускай гімназіі ў лагерах Остэргофен і Розенгайм у Германіі выкладала беларускую мову і літаратуру, аўтарка некалькіх падручнікаў для дзяцей. Ад пачатку 1950-х жыла ў ЗША, у Нью-Джэрсі.

Запісала успаманы пра беларускае нацыянальнае жыццё 1920-1930-х гадоў.

Памёрла ў 1982 годзе. Пахаваная на беларускіх могілках у Іст-Брансвіку (Нью-Джэрсі) побач з мужам.

Сям’я

Жонка Лявона Савёнка. У 1922 г. у іх нарадзіўся сын Лёдзік, а ў 1927 — дачка Зора.

Зноскі

1. Савёнак, Л. Творы / Лявон Савёнак; [укладанне Ціхана Чарнякевіча і Лявона Юрэвіча; уступнае слова Лявона Юрэвіча і Вітаўта Кіпеля; каментарыі Ціхана Чарнякевіча; рэдактар: Ціхан Чарнякевіч]. — Мінск: Лімарыус, 2012. — 350 с. — 200 экз. — ISBN 978-985-6968-26-9 (у пер.).