Апастэрыёрная мова

Апастэрыёрная мова (ад лацінскага выраза a posteriori — з наступнага) — штучная мова элементы якой пазычаны з існых моў, у адрозненне ад апрыёрных моў. Вылучаюць таксама апрыёрна-апастэрыёрныя і апастэрыёрна-апрыёрныя мовы, залежна ад перавагі тых або іншых рыс.

Апастэрыёрныя мовы можна падзяліць на тры тыпы:

• спрошчаныя этнічныя мовы: спрошчаная англійская, лаціна-сінэ-флексіонэ і інш.
• натуралістычныя мовы, г. зн. максімальна набліжаныя да этнічных моў (часцей раманскай групы): акцыдэнталь, інтэрлінгва;
• аўтаномныя (схематычныя) — у якіх граматыка з апрыёрнымі элементамі ужывае лексіку, пазычаную з этнічных моў: эсперанта, позні валапюк.