Асмолавічы (Мсціслаўскі раён)

У паняцця ёсць і іншыя значэнні, гл. Асмолавічы.

Асмо́лавічы^[2] (трансліт.: Asmolavičy, руск.: Осмоловичи) — вёска ў Мсціслаўскім раёне Магілёўскай вобласці. Уваходзіць у склад Капачоўскага сельсавета.

Вёска Асмолавічы Краіна Беларусь Вобласць Магілёўская Раён Мсціслаўскі Сельсавет Капачоўскі Каардынаты 54°02′17″ пн. ш. 31°26′51″ у. д.HGЯO Вышыня цэнтра 207 м Насельніцтва ▼18 чал. (2009)[1] Часавы пояс UTC+3 Тэлефонны код +375 2240 Паштовыя індэксы 213483 Аўтамабільны код 6 СААТА 7246812001 Асмолавічы Асмолавічы

Гісторыя

Гарадзішча ранняга жалезнага веку (5 ст. да н. э. — 5 ст. н. э.) знаходзіцца за 0,1 км на поўдзень ад вёскі, на левым беразе забалочанага ручая, па пагорку, што ўзвышаецца над поймай на 4—5 м. Пляцоўка памерам 37 на 17 м выцягнута з поўначы на поўдзень. Па краі ўмацавана валам, які з боку поля дасягае вышыні 2,5 м. Адкрыў і абследаваў у 1978 г. М. А. Ткачоў. Культурны пласт у шурфах — 0,45—1,3 м, насычаны абломкамі ляпной керамікі, касцямі, вуголлем і каменнямі. Матэрыялы абследавання захоўваюцца ў Інстытуце гісторыі Нацыянальнай акадэміі навук Беларусі.

На паўночна-ўсходняй ускраіне вёскі, каля старых могілак, — курганны могільнік. Два насыпы вышынёй 1,3 м, дыяметрам 6 м. Выявіў у 1978 г. М. А. Ткачоў. Раскопкі не праводзіліся.

У 1612 г. сяло знаходзілася ў Мсціслаўскім ваяводстве. У 1723 г. на месцы праваслаўнай пабудавана ўніяцкая царква. Памешчыца Шымковіч у 1877 г. мела 598 дзесяцін зямлі. У 1886 г. тут быў 71 двор, 428 жыхароў. У 1897 г. тут быў 61 двор, 405 жыхароў, у Старасельскай воласці Мсціслаўскага павета. Працавала кузня, дзейнічала школа граматы.