Атрарская бібліятэка

Атрарская бібліятэка — велізарная бібліятэка, якая, згодна з легендай, існавала ў дамангольскім цюркскім Атрары  (руск.)^[1][2]. Заснаванне бібліятэкі ў Фарабе (Атрары)^[3] прыпісваецца навукоўцу і філосафу Аль-Фарабі^[4][5]. У канцы XII стагоддзя захавальнікам кніжнага збору называецца Хісамудзін з роду Сунак^[4]. Бібліятэка лічылася другой па велічыні пасля Александрыйскай^[6][7][8]. Атрар быў сцёрты з твару зямлі падчас заваявальных паходаў  (руск.) Чынгісхана, а далейшы лёс яго кніжных багаццяў не задакументаваны^[9].

Як і многія іншыя легенды пра сярэднявечныя бібліятэкі, паданні аб кнігасховішчы ў Атрары натхняюць энтузіястаў на яго пошукі^[10]. Сустракаюцца сцвярджэнні, што падчас мангольскага спусташэння Атрара кнігі маглі пахаваць у нейкіх падземных хадах^[11] і што бібліятэку рана ці позна адшукае сямігадовы хлопчык^[12]. Акадэмічнымі публікацыямі падобныя спекуляцыі не пацвярджаюцца.

У літаратуры

Зыбін шукае Атрарскую бібліятэку ў кнізе Юрыя Дамброўскага  (руск.) «Факультэт непатрэбных рэчаў  (руск.)»^[13].