Алег Ігаравіч Масліеў

Алег Ігаравіч Масліеў (5 мая 1978, Веймар, Германія) — беларускі архітэктар.

Алег Ігаравіч Масліеў
Дата нараджэння	5 мая 1978(1978-05-05) (47 гадоў)
Месца нараджэння	Веймар, акруга Эрфурт[d], ГДР
Грамадзянства	Беларусь
Альма-матар	архітэктурны факультэт БНТУ (2003)
Месца працы	Праектны філіял ААТ «Белрэстаўрацыя»[d]

У Вікіпедыі ёсць артыкулы пра іншых людзей з прозвішчам Масліеў.

Біяграфія

У 1996 г. закончыў Станькаўскую СШ, у 2003 г. Беларускі нацыянальны тэхнічны ўніверсітэт па спецыяльнасці архітэктар. У 2003 г. працаваў архітэктарам УПРП «Праектрэстаўрацыя» (Мінск). У 2003—2004 гг. вёў гурток «Творчая майстэрня» ў Станькаўскай СШ. У 2004 г. па сумяшчальніцтве архітэктар аддзела комплекснага праектавання будаўнічай дырэкцыі УП Беларускай праваслаўнай царквы «Дэпартамент знешніх сувязей Беларускага Экзархата».

Жыве ў Станькаве.

Дзейнасць

Вывучае гісторыю былога маёнтка Станькава графаў Чапскіх. У 1998—2002 гг. распрацаваў праект аднаўлення Свята-Мікалаеўскай царквы ў в. Станькаве, у 2000—2003 гг. — праект аднаўлення палаца Чапскіх у Станькаве. У 1999 г. распрацаваў праект рэстаўрацыі і аднаўлення палацава-паркавага ансамбля ў Станькаве. У 2004 г. адкрыў гісторыка-краязнаўчы музей у Станькаўскай СШ. З 2002 г. займаецца даследаваннем матэрыялаў па сядзібе ў в. Прылуках Мінскага раёна, з 2004 г. праектуе рэстаўрацыю царквы Раства Багародзіцы ў в. Прылуках і інш.

Зноскі