Аляксандр Васілевіч Собалеў

Аляксандр Васілевіч Собалеў (5 кастрычніка 1935, Менск) — беларускі архітэктар.

Аляксандр Васілевіч Собалеў
Дата нараджэння	5 кастрычніка 1935(1935-10-05) (89 гадоў)
Месца нараджэння	Менск, Беларуская ССР, СССР
Альма-матар	Беларуская дзяржаўная сельскагаспадарчая акадэмія (1960)
Месца працы	Дзіпрасельбуд Гроднасельбудпраект Упраўленне па будаўніцтве і архітэктуры Гродзенскага аблвыканкама[d] Гродзенскі абласны камітэт КПБ Гроднаграмадзянпраект[d]
Член у	Саюз архітэктараў СССР Беларускі саюз архітэктараў
Узнагароды	Грамата Прэзідыума Вярхоўнага Савета БССР

У Вікіпедыі ёсць артыкулы пра іншых людзей з прозвішчам Собалеў.

Біяграфія

Скончыў Беларускую сельскагаспадарчую акадэмію ў 1960 годзе. Працаваў у Белдзіпрасельбудзе, начальнікам аддзела планіроўкі ў Гродзенскім аблміжкалгаспраекце, аддзела сельскага будаўніцтва ва Упраўленні па будаўніцтве і архітэктуры Гродзенскага аблвыканкама, галоўным архітэктарам праектаў у Гродзенскім філіяле Белкалгаспраекта, з 1975 года — інструктар аддзела будаўніцтва ў Гродзенскім абкаме КПБ, з 1983 года — дырэктар Гроднаграмадзянпраекта.

Член Саюза архітэктараў СССР з 1971 года. Пражывае ў Гродне.

Творчасць

Асноўныя працы (у аўтарскім калектыве): праекты забудовы грамадскага цэнтра ў в. Луцкаўляны Гродзенскага раёна (1970), жылой і вытворчай зон Галынскага БМУ Зэльвенскага раёна (1972), жылога квартала пасёлка і вытворчай зоны Котрынскай сельгастэхнікі (1973), пас. Індустрыяльны Лідскага раёна (1974), праекты планіроўкі пасёлка Князева калгаса «Прагрэс» Зэльвенскага (1973), В. Эйсманты Бераставіцкага (1967, бронзавы медаль ВДНГ СССР і дыплом I ступені ВДНГ БССР) раёнаў.

Узнагароды

Узнагароджаны медалямі, Граматай Прэзідыума Вярхоўнага Савета БССР (1979).

Зноскі