Аляксандр Іванавіч Чадовіч

Аляксандр Іванавіч Чадовіч (19 студзеня 1952, ст. Прасвет, Курганскі раён, Курганская вобласць) — беларускі архітэктар.

Аляксандр Іванавіч Чадовіч
Дата нараджэння	19 студзеня 1952(1952-01-19) (73 гады)
Месца нараджэння	Прасвет[d], Прасвецкі сельсавет[d], Кетоўскі раён, Курганская вобласць, РСФСР, СССР
Альма-матар	БПІ (1981) Маскоўскі архітэктурны інстытут (1983)
Месца працы	Мінскпраект
Прэміі	Прэмія Ленінскага камсамола Беларусі (1982)

У Вікіпедыі ёсць артыкулы пра іншых людзей з прозвішчам Чадовіч.

Біяграфія

Скончыў у 1981 годзе БПІ, у 1983 годзе — Маскоўскі архітэктурны інстытут. 3 1973 у інстытуце «Мінскпраект» (з 1980 галоўны архітэктар праектаў), з 1990 адначасова кіраўнік персанальнай творчай майстэрні Саюза архітэктараў Беларусі.

У 1996—2003 гадах галоўны архітэктар Мінска. Пасля стаў віцэ-прэзідэнтам маскоўскага ААТ «МТЗ „Рубін“» па архітэктуры^[1].

Творчасць

Асноўныя работы: будынак бібліятэкі № 11 у Мінску (1980; прэмія Ленінскага камсамола Беларусі 1982), грамадска-культурны цэнтр на XII Сусветным фестывалі моладзі і студэнтаў у Маскве (1985), Дом палітычнай асветы (1988), будынак выканкама Савета народных дэпутатаў Цэнтральнага раёна (1990; усе ў сааўтарстве), мемарыял ахвярам трагедыі на Нямізе (1999, у сааўтарстве з архітэктарамі Святланай Барысовіч, Людмілай Жлоба і скульптарам Генадзем Буралкіным)^[2][3] у Мінску.

Зноскі

1. Грядет очередное уплотнение: на этот раз недовольны жители квартала возле Комаровки Архівавана 13 красавіка 2021.
2. Итоги ХІІ Республиканского смотра-конкурса
3. Открытие мемориала жертвам трагедии на Немиге (руск.). БДГ Деловая Газета (30 мая 2002). Архівавана з першакрыніцы 11.3.2016.