Арцём Яфімавіч Баханькоў

Арцём Яфімавіч Баханькоў (29 студзеня 1924, в. Саламір’е, Полацкі раён — 12 жніўня 2001) — беларускі мовазнавец. Доктар філалагічных навук (1986), прафесар (1995).

Арцём Яфімавіч Баханькоў
Род дзейнасці	навуковец, беларусазнавец, выкладчык універсітэта, мовазнавец
Дата нараджэння	29 студзеня 1924(1924-01-29)
Месца нараджэння	Саламір’е, Тураўлянская воласць[d], Полацкі павет, Віцебская губерня, РСФСР, СССР
Дата смерці	12 жніўня 2001(2001-08-12) (77 гадоў)
Грамадзянства	СССР  Беларусь
Месца працы	Інстытут мовазнаўства НАНБ
Альма-матар	БДПУ

Біяграфія

Скончыў у 1955 годзе Мінскі педінстытут. З 1960 года ў Інстытуце мовазнаўства АН Беларусі, у 1992 – загадчык кафедры беларускай мовы пры Прэзідыуме АН Беларусі.

Навуковая дзейнасць

Даследаваў лексіку, дыялекталогію, гісторыю беларускай мовы. Аўтар манаграфіі «Развіццё лексікі беларускай літаратурнай мовы ў савецкі перыяд: Сацыялінгвістычны нарыс» (1982), суаўтар даследаванняў «Гістарычная лексікалогія беларускай мовы» (1970), «Лексікалогія сучаснай беларускай літаратурнай мовы» (1994), «Тлумачальны слоўнік беларускай мовы» (т. 1–5, 1977–84), «Беларуска-рускі слоўнік» (т. 1–2, 1988–89), тлумачальных слоўнікаў беларускай і рускай моў для сярэдняй школы.

Зноскі