БРМ-1К

Баява́я разве́двальная машы́на БРМ-1К — браніраваная самаходная машына на гусенічным хаду, прызначаная для разведкі на поле боя.

БРМ-1К
БРМ-1К
Класіфікацыя	Баявая разведвальная машына
Баявая маса, т	13,2
Экіпаж, чал.	6
Гісторыя
Распрацоўнік	КБ ЧТЗ
Вытворца	Курганмашзавод
Гады вытворчасці	з 1972
Гады эксплуатацыі	з 1973
Колькасць выпушчаных, шт.	больш 1500
Асноўныя аператары	Беларусь Расія Украіна
Габарыты
Даўжыня, мм	6760
Шырыня, мм	2940
Вышыня, мм	1920
Дарожны прасвет, мм	370
Узбраенне
Калібр і марка гарматы	73-мм гармата 2А28
Тып гарматы	гладкаствольны паўаўтаматычны гранатамёт
Даўжыня ствала, калібраў	29
Боекамплект гарматы	20
Вуглы ВН, град.	−4..+30
Далёкасць стральбы, км	да 4
Прыцэлы	1ПН22М
Кулямёты	1 х 7,62-мм ПКТ
Рухомасць
Тып рухавіка	УТД-20
Магутнасць рухавіка, к. с.	300
Хуткасць па шашы, км/г	65
Запас ходу па шашы, км	600
Удзельная магутнасць, к. с./т	22,7
Пераадольваемы ўздым, град.	35
Пераадольваемая сценка, м	0,7
Пераадольваемы роў, м	2,5
Медыяфайлы на Вікісховішчы

Гісторыя

Баявая разведвальная машына БРМ-1К была распрацавана на базе БМП-1 у КБ Чэлябінскага трактарнага завода на пачатку 1970-х гадоў. Прызначалася для вядзення інструментальнай разведкі ў інтарэсах сухапутных войскаў і стваралася ў якасці замены ў разведпадраздзяленнях лёгкага плаваючага танка ПТ-76. БМП-1 была абраная ў якасці базавай невыпадкова, так як яна была здольная пераадольваць водныя перашкоды ўплаў, а акрамя таго, за кошт уніфікацыі вузлоў і дэталяў аблягчаўся працэс прыняцця машыны на ўзбраенне, зніжаўся яе кошт. БРМ-1К была прынятая на ўзбраенне ў 1972 годзе і серыйна выраблялася на КМЗ з 1973 года.

Апісанне канструкцыі

Агульная кампаноўка машыны паўтарае сабой БМП-1: МТА ў пярэдняй часткі зварнога бронякорпуса, а баявое — у сярэдзіне і карме. Вялікая двухмесная вежа кругавога кручэння ссунутая бліжэй да кармавой частцы машыны. Гэтак жа да знешніх адрозненняў ад БМП 1 можна аднесці размяшчэнне бервяна «самавыратаўніка» па правым борце, наяўнасць штангі антэны на заднім борце, іншае (3 у шэраг з двух бакоў вежы) размяшчэнне апаратуры задымлення.

Экіпаж

Умяшчальнасць машыны 6 чалавек, у экіпаж уваходзяць 6 чалавек: камандзір машыны (ён жа старшы аператар), наводчык-аператар, 2 радыётэлеграфіста і механік-кіроўца.

Абсталяванне

У свабоднай прасторы між вежай і дэсантнымі люкамі размешчаны прыналежнасці для вядзення інжынернай, хімічнай, біялагічнай, радыяцыйнай разведкі. Абсталяванне БРМ-1К дазваляе экіпажу вырашаць наступныя задачы:

• вызначаць дырэкцыённы вугал падоўжнай восі машыны (вугал паміж паўночным кірункам вертыкальнай лініі каардынатнай сеткі карты і кірункам падоўжнай восі машыны, прачэрчанай на карце);
• бесперапынна выпрацоўваць навігацыйную інфармацыю (бягучыя прамавугольныя каардынаты і дырэкцыённы вугал па пункту прызначэння);
• вызначыць каардынаты мэтаў;
• вызначыць вуглы паміж падоўжнай воссю машыны і напрамкамі на арыенціры (мэты);
• вымераць далёкасці да мэтаў;
• весці пошук, выяўленне, суправаджэнне і вымярэнне каардынат рухаючыхся мэтаў;
• весці радыяцыйную і хімічную разведку;
• забяспечваць радыёсувязь у УКХ і КХ дыяпазонах і хуткасную перадачу інфармацыі;
• весці назіранне за мясцовасцю ў дзённых і начных умовах.

Для арыентавання і вядзення разведкі машына абсталявана наступнай спецыяльнай апаратурай — навігацыйнай апаратурай ТНА-3, лазерным далямерам, радыёлакацыйнай станцыяй, прыёмнікам-пеленгатарам, мінашукальнікам, прыборам хімічнай разведкі, двума радыёстанцыямі для блізкай і далёкай сувязі. Для далёкай сувязі маецца камплект для разгортвання стацыянарнай антэны тыпу «дыполь».

Узбраенне

• 73-мм гармата Гром (20 стрэлаў)
• 7,62-мм кулямёт ПКТ (2000 патронаў)

На ўзбраенні

•  Азербайджан — 15 БРМ-1, па стану на 2016 год^[1].
•  Арменія:
  • Армія Арменіі — 12 БРМ-1К, па стану на 2016 год^[2].
  • МУС Арменіі — 5 БРМ-1К, па стану на 2016 год^[3].
  • Пагранічныя войскі Арменіі — 3 БРМ-1К, па стану на 2016 год^[4].
•  Беларусь — 136 БРМ-1, па стану на 2016 год^[5].
•  Грузія — 1 БРМ-1К, па стану на 2016 год^[6].
•  Казахстан — 60 БРМ-1, па стану на 2016 год^[7].
•  Расія:
  • Сухапутныя войскі Расіі— 700 БРМ-1К, па стану на 2016 год^[8].
•  Туркменістан — 60 БРМ-1, па стану на 2016 год^[9].
•  Узбекістан — 6 БРМ-1, па стану на 2016 год^[10].
•  Украіна — 115 БРМ-1К, па стану на 2016 год^[11].

Дзе можна ўбачыць

•  Расія:
  • Падзікава — Музей айчыннай ваеннай гісторыі ў Істрынскім раёне Маскоўскай вобласці.
  • Савецк — Музей ваеннай тэхнікі ў Нёманскім раёне Калінінградскай вобласці.

Зноскі

1. The Military Balance 2016. — P. 190
2. The Military Balance 2016. — P. 178
3. The Military Balance 2016. — P. 179
4. The Military Balance 2016. — P. 179
5. The Military Balance 2016. — P. 182
6. The Military Balance 2016. — P. 184
7. The Military Balance 2016. — P. 185
8. The Military Balance 2016. — P. 190
9. The Military Balance 2016. — P. 203
10. The Military Balance 2016. — P. 208
11. The Military Balance 2016. — P. 205