Баранавіцкі настаўніцкі інстытут

Баранавіцкі настаўніцкі інстытут — дзяржаўная навучальная ўстанова падрыхтоўкі педагагічных кадраў у Баранавічах. Рыхтаваў настаўнікаў рускай і беларускай мовы, фізікі, матэматыкі і геаграфіі для сямігадовых школ.

Баранавіцкі настаўніцкі інстытут
Заснаваны	1 студзеня 1940
Год закрыцця	1955[1]
Краіна	Беларусь

Згодна дадзеным, прысвечаным гісторыі горада, пачатак дзейнасці гэтай установы адукацыі звязаны з «пастановай ЦК КП(б)Б „Аб мерапрыемствах па арганізацыі народнай адукацыі ў Заходніх абласцях БССР“, у адным з пунктаў якой было сказана: „стварыць 1 студзеня 1940 г. педагагічныя інстытуты ў г.г. Пінску, Беластоку, Баранавічах, Гродне…“ Прыём заяваў у Баранавіцкі настаўніцкі інстытут (на 120 месцаў) пачаўся з 15 студзеня 1940 г. Уступныя экзамены праходзілі з 25 студзеня па 15 лютага, а заняткі пачаліся ўжо ў сакавіку. У інстытуце, які знаходзіўся па вул. Пралетарскай, 121 (цяпер вул. Горкага) вялася падрыхтоўка выкладчыкаў рускай і беларускай мовы, фізікі, матэматыкі і геаграфіі^[2]». Паводле дадзеных Баранавіцкага краязнаўчага музея, пасля перапынку ў працы падчас Вялікай Айчыннай вайны Інстытут аднавіў сваю дзейнасць ў 1944 г. і правёў дадатковы набор 100 настаўнікаў шасцімесячныя курсы^[3].

Зачынены падчас узбуйнення педагагічных вышэйшых навучальных устаноў.

Вядомыя выпускнікі

• Таісія Уладзіміраўна Шчарбакова (вып. 1953 г.), настаўніца беларускай мовы, узнагарожданая граматай Мінадукацыі БССР (1980 г.)^[4].
• Раіса Тафільеўна Дзялідка (вып. 1952 г.), настаўніца матэматыкі, узнагароджана ганаровай граматай Мінадукацыі БССР (1980 г.)^[5].

Рэктары

• 1954—1955 — Міхаіл Фёдаравіч Аляксейчык

Зноскі

1. Беларуская энцыклапедыя: У 18 т. Т. 2: Аршыца — Беларусцы — Мн.: 1996. — С. 295. — 480 с. — ISBN 978-985-11-0061-9

   <a href='https://wikidata.org/wiki/Track:Q17378134'></a>
2. Згодна: История г. Барановичи от первого упоминания до Второй мировой войны (1706—1941 гг.) Архівавана 21 лютага 2018. // БарТранс
3. Ирина Карчевская ИЗ ИСТОРИИ: КОГДА В БАРАНОВИЧАХ ВПЕРВЫЕ ПРОЗВУЧАЛ ПЕРВЫЙ ЗВОНОК НА УРОК? Архівавана 23 красавіка 2018. // Наш край
4. Педагогические династии нашей школы: Евсейчик Архівавана 1 кастрычніка 2020. // Сайт СШ № 10 г. Барановичи
5. http://gorodistche.baranovichi.edu.by/be/main.aspx?guid=23261 Архівавана 26 ліпеня 2021. ДЕЛИДКО РАИСА ТАФИЛЬЕВНА] // Сайт Гарадзішчанскай СШ імя Скіпара