Барыс Пятровіч Захарчэня

Барыс Пятровіч Захарчэня (1 мая 1928, Орша — 10 красавіка 2005, Санкт-Пецярбург) — савецкі і расійскі вучоны-фізік, акадэмік Расійскай акадэміі навук.

Барыс Пятровіч Захарчэня
Дата нараджэння	1 мая 1928(1928-05-01)[1]
Месца нараджэння	Орша, Аршанская акруга, Беларуская ССР, СССР
Дата смерці	10 красавіка 2005(2005-04-10) (76 гадоў)
Месца смерці	Санкт-Пецярбург, Расія
Месца пахавання	Мікольскія могілкі Аляксандра-Неўскай лаўры[d]
Грамадзянства	СССР  Расія
Род дзейнасці	фізік
Навуковая сфера	оптыка
Месца працы	Фізіка-тэхнічны інстытут АН СССР
Навуковая ступень	доктар фізіка-матэматычных навук
Навуковае званне	акадэмік РАН
Альма-матар	фізічны факультэт Санкт-Пецярбургскага дзяржаўнага ўніверсітэта[d] Санкт-Пецярбургскі дзяржаўны ўніверсітэт
Навуковы кіраўнік	Я. Ф. Грос[2]
Вядомыя вучні	Yuri Kusrayev[d]
Партыя	КПСС
Член у	Расійская акадэмія навук Акадэмія навук СССР
Прэміі
Узнагароды	Ордэн «За заслугі перад Айчынай» IV ступені

Біяграфія

Барыс Пятровіч Захарчэня нарадзіўся ў Оршы. У 1932 пераехаў у Ленінград. У 1952 годзе скончыў фізічны факультэт Ленінградскага дзяржаўнага ўніверсітэта. Затым працаваў у Фізіка-тэхнічным інстытуце АН СССР. У 1963 годзе ўступіў у КПСС. У 1966 годзе абараніў доктарскую дысертацыю на тэму «Магнітааптычныя з’явы ў крышталях». З 1972 года выкладаў у Ленінградскім электратэхнічным інстытуце. 23 снежня 1976 г быў абраны членам-карэспандэнтам Акадэміі навук СССР. 11 чэрвеня 1992 г быў абраны акадэмікам РАН па спецыяльнасці «фізіка».

Навуковыя дасягненні

Адкрыў штарк-эфект эксітона і іанізацыю эксітонных станаў ў слабых знешніх палях. Сумесна з Я. Ф. Гросам адкрыў асцыляцыі магнітапаглынання ў закісу медзі. Даказаў існаванне квазіаднамерных эксітонаў.

Сярод апублікаванага:

• Фазовый переход металл-полупроводник и его применение. — Л., 1979. (разам з А. А. Бугаевым і Ф. А. Чудноўскім)

Узнагароды і прэміі

• Ленінская прэмія (1966);
• Дзяржаўная прэмія СССР (1976);
• Залаты медаль імя П. М. Лебедзева (1996);
• Ордэн «За заслугі перад Айчынай» IV ступені (1998);
• Ордэн «Знак Пашаны»
• Прэмія імя А. М. Іофе (2004)

Зноскі

1. Захарченя Борис Петрович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Барыс Пятровіч Захарчэня (да 70-годдзя з дня нараджэння) (руск.) (pdf)(недаступная спасылка). Фізіка цвёрдага цела том 40 №6. Сайт часопісаў, публікуемых інстытутам Іофэ (30 ліпеня 1998). Архівавана з першакрыніцы 15 верасня 2012. Праверана 12 сакавіка 2012.