Батальённы камісар

Батальённы каміса́р — ва УС СССР спецыяльнае воінскае званне для старшага ваенна-палітычнага складу Чырвонай Арміі і Флоту ў 1935—1942 гг. Папярэдняе званне — старшы палітрук, наступнае па рангу — старшы батальённы камісар. Адпавядала воінскаму званню маёр^[1].

Батальённы камісар

Гісторыя

Уведзена пастановамі ЦВК і СНК СССР ад 22 верасня 1935 года адначасова з іншымі персанальнымі воінскімі званнямі.

Рашэннем ДКА ад 9 кастрычніка 1942 года інстытут ваенных камісараў быў ліквідаваны, і ўсе камісары атрымалі армейскія і флоцкія званні на прыступку або некалькі ніжэй.

малодшае званне: Старшы палітрук	Батальённы камісар	старшае званне: Палкавы камісар
		старшае званне пасля 30 ліпеня 1940: Старшы батальённы камісар

Эквівалентныя чыны

Род войскаў	Адпаведнае званне / пасада
У камандным складзе
Агульнавайсковае званне	Маёр
Народны камісарыят унутраных спраў СССР	Старшы лейтэнант дзяржаўнай бяспекі[2], уведзенае пастановай ЦВК і СНК СССР ад 7 кастрычніка 1935 года і па 6 ліпеня 1945 года (ваеннаслужачыя пагранічных і ўнутраных войскаў НКУС мелі воінскія званні, прынятыя ў РСЧА)
Ваенна-Марскі Флот СССР	Капітан 3-га рангу
У начальніцкім складзе
у сухапутных і ваенна-паветраных сілах	Ваенінжынер 2-га рангу
у ваенна-марскіх сілах	Ваенінжынер 2-га рангу
у ваенна-гаспадарчым складзе ўсіх родаў войскаў	Інтэндант 2-га рангу
у ваенна-юрыдычным складзе ўсіх родаў войскаў	Ваенны юрыст 2-га рангу
у ваенна-медыцынскім складзе ўсіх родаў войскаў	Ваенурач 2-га рангу
у ваенна-ветэрынарным складзе ўсіх родаў войскаў	Ваенветурач 2-га рангу

Знакі адрознення

Для звання батальённы камісар быў усталяваны знак адрознення ў выглядзе дзвюх прамавугольных «шпал» у пятліцах (без эмблемы роду войскаў да 30 ліпеня 1940 і з эмблемай роду войскаў пасля 30 ліпеня 1940) і агульная для палітработнікаў усіх званняў чырвоная зорка з сярпом і молатам, нашытая на абодвух рукавах вышэй за абшлаг (1 жніўня 1941 года нашэнне такіх нашывак было адменена).

Гл. таксама

• Камісар (у вайсковым падраздзяленні)
• Воінскія званні і знакі адрознення РСЧА 1935—1940
• Воінскія званні і знакі адрознення РСЧА 1940—1943

Зноскі

1. Юрий Веремеев. Анатомия армии
2. Веремеев Ю. Г. Анатомия армии. Таблицы воинских званий Русской Армии. Рабоче-Крестьянская Красная Армия 1935—1940 гг.