Саюз беларускіх яўрэйскіх грамадскіх аб’яднанняў і абшчын

Саюз беларускіх яўрэйскіх грамадскіх аб’яднанняў і абшчын (да 29 верасня 1999 года — Беларускае аб’яднанне яўрэйскіх арганізацый і суполак) — заснаванае ў красавіку 1991 года самае шматлікае і аўтарытэтнае беларускае грамадскае аб’яднанне, якое прадстаўляе інтарэсы яўрэяў Беларусі. У Саюз уваходзяць розныя грамадскія фарміраванні: дабрачынныя фонды, ветэранскія, жаночыя, маладзёжныя арганізацыі, школы выхаднога дня, клубы яўрэйскай культуры, аматарскія творчыя калектывы. Саюз зарэгістраваны ў Міністэрстве юстыцыі і ўключае ў сябе 45 грамадскіх яўрэйскіх арганізацый (у тым ліку 7 рэспубліканскіх) у 20 гарадах Беларусі. Самыя буйныя з іх знаходзяцца ў Мінску, Баранавічах, Бабруйску, Брэсце, Віцебску, Гомелі, Гродне, Лідзе, Магілёве, Мазыры, Пінску і Полацку^[1][2].

Беларускае аб’яднанне яўрэйскіх арганізацый і абшчын
Краіна	Беларусь
Адрас	Мінск, вул. В. Харужай, д. 28
Юрыдычны статус	грамадскае аб’яднанне
Тып арганізацыі	некамерцыйная арганізацыя і грамадскае аб’яднанне
Кіраўнікі
Старшыня	Леанід Мендэлевіч Левін
Старшыня	Барыс Ізідаравіч Герстэн
Старшыня	Уладзімір Леанідавіч Чарніцкі
Старшыня	Алег Львовіч Рагатнікаў
Заснаванне
Дата заснавання	1991
Колішняя назва	Беларускае аб’яднанне яўрэйскіх арганізацый і суполак (да 1999 года)
beljews.by

Саюз узаемадзейнічае з дзяржаўнымі і грамадскімі арганізацыямі Рэспублікі Беларусь, з’яўляецца членам Каардынацыйнага Савета па правах нацыянальных меншасцей пры Савеце Міністраў Рэспублікі Беларусь, а таксама ўваходзіць у склад Рэспубліканскага цэнтра нацыянальных культур.

Мэты і задачы Саюза

• адраджэнне і кансалідацыя нацыянальнай і культурнай супольнасці яўрэяў у Рэспубліцы Беларусь;
• абарона гонару і нацыянальнай годнасці членаў грамадскіх аб’яднанняў, якія ўваходзяць у склад Саюза;
• дабрачынная дзейнасць;
• каардынацыя намаганняў асобных арганізацый і грамадзян у галіне садзейнічання яўрэйскай адукацыі, членаў грамадскіх аб’яднанняў, якія ўваходзяць у склад Саюза і членаў іх сем’яў, вывучэння нацыянальных, духоўных і культурных каштоўнасцей;
• прадстаўленне інтарэсаў яўрэйскіх грамадскіх арганізацый, якія ўваходзяць у Саюз, у органах дзяржаўнай улады і кіравання;
• устанаўленне прамых сувязей з грамадскімі арганізацыямі Дзяржавы Ізраіль і іншых краін;
• узаемадзеянне з яўрэйскімі арганізацыямі іншых краін па пытаннях культурнага і навуковага абмену, вывучэнні нацыянальных традыцый і г.д.;
• садзейнічанне стварэнню новых яўрэйскіх грамадскіх арганізацый у Рэспубліцы Беларусь.

Напрамкі работы Саюза

• сацыяльная абарона;
• адукацыйныя (асветніцкія) праграмы;
• навукова-даследчая дзейнасць;
• культурныя праграмы;
• захаванне памяці аб Халакосце;
• інфармацыйна-выдавецкая дзейнасць;
• міжнароднае супрацоўніцтва;
• маніторынг антысемітызму.

Міжнародныя сувязі

З Саюзам беларускіх яўрэйскіх грамадскіх аб’яднанняў і абшчын удзельнічаюць у сумесных праектах наступныя міжнародныя арганізацыі:

• Сусветны яўрэйскі кангрэс;
• Еўрапейскі яўрэйскі кангрэс;
• Амерыканскі яўрэйскі кангрэс;
• Англійская абшчына;
• Яўрэйскі кангрэс жанчын;
• Швейцарскі камітэт савецкіх яўрэяў;
• Аб’яднанне выхадцаў з Беларусі ў Ізраілі;
• Аб’яднанне выхадцаў з Расіі ў ЗША;
• Фонд Клэймс Канферэнс^[en];
• Фонд Лаўдэра.

Кіраўніцтва Саюза

• 1991—2014 гады — старшыня (да 2003 прэзідэнт) Леанід Мендэлевіч Левін, намеснікі (да 2003 віцэ-прэзідэнты) Якаў Зіноўевіч Басін, Аляксандр Міхаілавіч Гальперын^[3], Май Вольфавіч Данцыг і інш.;
• 2014—2017 гады — старшыня Барыс Ізідаравіч Герстэн^[4][5], намеснікі Галіна Леанідаўна Левіна^[4][6] і Уладзімір Леанідавіч Чарніцкі^[4][7];
• 2017—2021 гады — старшыня Уладзімір Леанідавіч Чарніцкі^[8][9], намеснікі Уладзімір Сямёнавіч Фрэнкель^[10], Барыс Ізідаравіч Герстэн^[11] і Вадзім Мікалаевіч Акапян^[12][13];
• 2021 год — па цяперашні час — старшыня Алег Львовіч Рагатнікаў^[14], намеснікі Алена Ісакаўна Кулеўніч і Рыгор Міхайлавіч Левін.

Зноскі

1. Союз белорусских еврейских общественных объединений и общин
2. Всё о культуре. Союз белорусских еврейских общественных объединений и общин (нявызн.)(недаступная спасылка). Архівавана з першакрыніцы 6 мая 2021. Праверана 22 красавіка 2022.
3. Shustin, Aaron. В. Рубинчик. Судьбоноснейшая дата! (англ.)  (нявызн.) ? (18 красавіка 2021). Праверана 3 жніўня 2023.
4. ЕАЕК приветствует участников 10-го съезда СБЕООО
5. Союз белорусских еврейских общественных объединений и общин возглавил Борис Герстен
6. Состоялась торжественная церемония присвоения Исторической мастерской в Минске имени Леонида Левина.
7. О евреях начистоту. Владимир Черницкий (нявызн.)(недаступная спасылка). Архівавана з першакрыніцы 25 ліпеня 2021. Праверана 22 красавіка 2022.
8. Еврейская община на территории Беларуси
9. Shustin, Aaron. В. Рубінчык. КАТЛЕТЫ & МУХІ (55) (англ.)  (нявызн.) ? (14 мая 2017). Праверана 3 жніўня 2023.
10. В Новогрудке открыли Стену Памяти. В мероприятии принял участие министр иностранных дел Беларуси Владимир Макей
11. «Это трудно вспоминать». В Минске почтили жертв Холокоста
12. Научно-практическая конференция, посвященная 75-летию ликвидации гетто в д. Красное.
13. Фонд имени Саймона Марка Лазаруса по сохранению памяти о жертвах Холокоста в Республике Беларусь
14. Председатель Союза белорусских еврейских общественных объединений и общин Олег Рогатников