Беларуская асацыяцыя «Конкурс»

Беларуская асацыяцыя «Конкурс» — грамадскае аб’яднанне, мэтай дзейнасці якога з’яўляецца папулярызацыя ведаў сярод школьнікаў, у вобласці дакладных, прыродазнаўчых і гуманітарных навук рознымі сродкамі, у прыватнасці праз арганізацыю інтэлектуальных конкурсаў.

Конкурсы Беларускай асацыяцыі «Конкурс»

• Міжнародная матэматычная гульня-конкурс «Кенгуру».^[1]
• Гульня-конкурс па беларускай мове і літаратуры «Буслік».^[2]
• Гульня-конкурс па фізіцы «Зубраня».^[3]
• Гульня-конкурс па рускай мове і літаратуры «Журавлик».^[4]
• Міжпрадметная гульня-конкурс «Пчолка».^[5]
• Гульня-конкурс па замежных мовах «Лінгвісцяня» (англійская, нямецкая, французская, іспанская, кітайская мовы).^[6]
• Гульня-конкурс па інфарматыцы «Інфамышка».^[7]
• Гульня-конкурс па хіміі «Вавёрка».^[8]
• Гульня-конкурс па геаграфіі «Глабусёнак».^[9]
• Гульня-конкурс па біялогіі «Сініца».^[10]
• Гульня-конкурс па фізкультуры «Алімпіёнак».^[11]
• Гульня-конкурс па гісторыі «Кентаўрык».^[12]

Асноўныя правілы правядзення конкурсаў

Інтэлектуальныя конкурсы асацыяцыі «Конкурс» праводзяцца па правілах міжнароднага матэматычнага конкурсу «Кенгуру».

Конкурсы арганізуюцца Беларускай асацыяцыяй «Конкурс» сумесна з Акадэміяй паслядыпломнай адукацыі пры падтрымцы Міністэрства адукацыі Рэспублікі Беларусь.

У адрозненне ад алімпіяд, удзельнікамі дадзеных конкурсаў могуць быць усе жадаючыя. Папярэдні адбор удзельнікаў не праводзіцца. Конкурс праходзіць у школах, ліцэях, гімназіях, дзе навучаюцца ўдзельнікі, у адзін і той жа дзень, у адзін і той жа час.

У конкурсах няма прайграўшых. Незалежна ад выніку кожны ўдзельнік атрымлівае прыз «для ўсіх». Прадугледжана дадатковае ўзнагароджанне ўдзельнікаў, што паказалі найлепшыя вынікі ў сваіх раёнах (гарадах), вобласцях і сярод удзельнікаў кожнага конкурсу ў краіне.

Конкурсы платныя. Арганізацыйныя ўзносы трацяцца на арганізацыю і правядзенне конкурсаў, набыццё прызоў.