Беларус-921

Беларус-921 — садаводчы колавы трактар.

Беларус-921
Вытворца	МТЗ, Смаргонскі агрэгатны завод
Гады выпуску	з 2000 г.
Габарыты
Даўжыня, мм	4230
Шырыня, мм	1550
Вышыня, мм	2350

Апісанне

Трактар цягавага класа 1,4 з колавай формулай 4×4 прызначаны для выканання комплексу работ па апрацоўцы садоў і вінаграднікаў: працы з фрэзай і апырсквальнікамі. Можа выкарыстоўвацца ў сельскагаспадарчай вытворчасці для выкананне шэрагу механізаваных работ у жывёлагадоўлі, напрыклад, для раздачы і нарыхтаваных кармоў, а таксама ў прамысловасці, будаўніцтве, камунальнай гаспадарцы і на транспарце.

Рухавік

На трактарах МТЗ-921 устанаўліваюцца чатырохцыліндравыя чатырохтактныя дызельныя рухавікі сямейства Д-245.5 вытворчасці Мінскага маторнага завода з паўраздзеленай камерай згарання, выкананай у поршні. Працоўны аб’ём рухавіка — 4750 см³. Намінальная магутнасць складае 70 кВт (95 к. с.)^[1].

Трансмісія

• Муфта счаплення — сухая, аднадыскавая
• Кіраванне муфтай счаплення — гідрастатычнае
• Каробка перадач — механічная, ступеністая
• Колькасць перадач: наперад/назад — 18/4
• Хуткасць руху, км / г:
  • наперад — 1,8-35
  • назад — 4,1-11,5

Гідранавесная сістэма

• Універсальная, паасобна-агрэгатная.
• Грузападымальнасць на восі шарніраў ніжніх цяг, кН (кгс) — 40 (4000)
• Максімальны ціск, кгс/см² — 200
• Прадукцыйнасць помпы, л/хвіл — 45
• Ёмістасць маслянага бака, л — 30