Белкельме

Белке́льме — колішняе прадпрыемства па вырабе абутку ў горадзе Белаазёрску Брэсцкага раёна, якое існавала ў 1993—2017 гадах.

Белкельме
Тып	бізнес
Заснаванне	1993
Скасавана	2017
Заснавальнікі	Нацыянальны Алімпійскі камітэт, ААТ «Бабруйскі гарбарны камбінат», іспанская кампанія Kelme
Адрас	Белаазёрск
Галіна	Вытворчасць абутку
Прадукцыя	абутак
Сайт	belkelme.by

Гісторыя

Заснавана ў 1993 годзе як беларуска-іспанскае сумеснае закрытае акцыянернае таварыства. Заснавальнікі з беларускага боку: Нацыянальны Алімпійскі камітэт, ААТ «Бабруйскі гарбарны камбінат», з іспанскага — фірма Kelme International А. О..

У 2015 годзе пакет акцый кампаніі быў набыты холдынгам «Марка»^[1]. Найбольш адчувальны ўдар па эканоміцы «Белкельме» нанёс беспрэцэндэнтны правал, калі прадукцыя (52 тыс. пар), адгружаная спажыўцам у 2014—2015 гадах, у 2016 годзе была вернутая на склад^[2].

У 2017 годзе кампанія была ліквідавана, вытворчыя магутнасці перададзены кампаніі «Вердымар»^[2].

Прадукцыя

Асноўная прадукцыя (2005): мужчынскі, жаночы і дзіцячы абутак для актыўнага адпачынку (красоўкі); турызму («трэкінг») і паўсядзённага нашэння; буцы футбольныя для гульні ў футбол, міні-футбол і заняткаў футзалам; лыжныя боты. Вытворчая магутнасць прадпрыемства складала 366 тыс. пар абутку ў год. Мелася сетка фірменных крам у гарадах Баранавічы, Белаазёрск, Бяроза, Брэст, Віцебск, Гродна, Мінск, Магілёў.

Зноскі

1. "Холдынг «Марка» купіў "Белкельме"". TUT.BY [руская]. Архівавана з арыгінала 17 красавіка 2018. Праверана 2018-04-16.
2. "Запушчана ліквідацыя фабрыкі-банкрута «Белкельме»". TUT.BY [руская]. Архівавана з арыгінала 29 снежня 2017. Праверана 2018-04-16.