Брачыслаў (князь полацкі)

Не блытаць з Брачыславам Ізяславічам — полацкім князем у XI ст..

Брачысла́ў (ХІІ ст. — пасля 1242) — князь віцебскі (зг. 1242), князь полацкі (1232—1242). Магчыма, паходзіў з роду віцебскіх князёў Васількавічаў.

Брачыслаў
князь полацкі 1232 — 1242
Папярэднік	Святаслаў Мсціславіч
Пераемнік	Канстанцін
Нараджэнне	XII стагоддзе
Смерць	не раней за 1241
Род	Ізяславічы Полацкія
Дзеці	Аляксандра Брачыслаўна[d], мерк. Брачыслаўна Таўцівілава[d] і мерк. Канстанцін

Біяграфія

Згадваецца Наўгародскім Першым летапісам. Быў віцебскім князем, у 1232 годзе заняў полацкі сталец пасля 10-гадовага смаленскага панавання.

Выдаў дачку Васілісу замуж за наўгародскага князя Аляксандра Яраславіча, вяселле адбылося ў Тарапцы ў 1239 годзе^[1]. Магчыма, тым жа часам другую дачку выдаў замуж за літоўскага князя Таўцівіла. Магчыма, яго сынам быў пазнейшы полацкі князь Канстанцін.

Зноскі

1. Брачыслаў, князь полацкі ў 1230-я гады // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — С. 77. — 20 000 экз. — ISBN 5-85700-142-0.