Савушкін прадукт

ААТ «Савушкін прадукт» — адзін з найбольш вядомых беларускіх вытворцаў натуральнай малочнай прадукцыі. З лета 2011 года кампанія вырабляе таксама і сокі.

ААТ «Савушкін прадукт»
Тып	Адкрытае акцыянернае таварыства
Заснаванне	1976
Краіна	Беларусь
Размяшчэнне	Рэспубліка Беларусь, Брэст
Адрас	Брэст
Ключавыя постаці	генеральны дырэктар Аляксандр Васільевіч Саўчыц
Галіна	Харчовая прамысловасць
Прадукцыя	малочныя прадукты, сокі
Сайт	www.savushkin.by

Кампанія створана на базе акцыянаванага ў 1994 годзе дзяржпрадпрыемства «Брэсцкі малочны камбінат». З верасня 2016 года «Савушкін прадукт» уваходзіць у холдынг «Санта». ТАА СП «Санта Брэмар» належыць 92,64 % акцый «Савушкін прадукт», Брэсцкаму фонду дзяржмаёмасці — 1,15 %, іншым акцыянерам — 6,21 %.

На тэрыторыі Беларусі «Савушкін прадукт» кантралюе 5 кампаній: УП «Савушкіна» (100 %), ААТ «Савушкіна пушча» (61,06 %), СТАА «Раскорм» (51 %), ААТ «Савушкін-Орша» (99,99 %), ААТ «Бярозаўскі сыраробны камбінат» (на 2019 год — 80,17 %).

У склад групы «Савушкін прадукт» уваходзяць дзве кампаніі-рэзідэнты Расіі — ТАА «Савушкін прадукт — Масква» і ТАА «Савушкін прадукт»^[1].

Гандлёвыя маркі

«Савушкін», «Брэст-Літоўск», «Сыры з Александрыі», «TEOS», «Бярозка», «Аптымаль», «Апеты», «SVEŽA», «Актывіл», «СуперКід», «Ласкавае лета», «ТОП»^[2].

Раней кампаніі таксама належалі гандлёвыя маркі «Монцік», «Асалода», «Актыў Стыль», «На хлебушек», «На100ящий».

Зноскі

1. «Савушкін прадукт» завяршыў працэс інтэграцыі Бярозаўскага сыраробнага камбіната
2. Савушкін брэнды