Буравеснік (карная аперацыя)

Аперацыя «Буравеснік» (ням.: Unternehmen Sturmvogel) — кодавая назва карнай аперацыі нямецкіх войск супраць партызан і мясцовага насельніцтва ў Клімавіцкім раёне 10—15 ліпеня 1943 года.

Аперацыя «Буравеснік»
Асноўны канфлікт: Другая сусветная вайна, Вялікая Айчынная вайна
Дата	10—15.7.1943
Месца	Клімавіцкі раён
Прычына	Прысутнасць узброеных савецкіх партызанскіх падраздзяленняў у тыле групы армій «Цэнтр»
Статус	аперацыя завершана
Праціўнікі
Трэці рэйх:  СССР:

Ход аперацыі

Аперацыя праводзілася сіламі начальніка аховы тылу 4-й нямецкай арміі, у тым ліку 774-га батальёна 96-га ахоўнага палка, паліцыі парадку, 624-га асобнага ўсходняга батальёна.

На поўдзень ад вёскі Студзянец, каля вёсак Сасноўка і Антонаўка карнікі былі спынены, а потым контратакаваны байцамі 13-й Касцюковіцкай партызанскай брыгады. Насельніцтва з вёсак, якім пагражалі карнікі было схавана ў глыбіні партызанскай зоны. Кіраўніцтва карнай аперацыяй «Буравеснік» у справаздачы вышэйшаму камандаванню прызнала поўны яе правал.