Бярозаўка (Баранавіцкі раён)

У паняцця ёсць і іншыя значэнні, гл. Бярозаўка.

Бяро́заўка^[1] (трансліт.: Biarozaŭka, руск.: Берёзовка) — вёска ў Баранавіцкім раёне Брэсцкай вобласці. Уваходзіць у склад Ляснянскага сельсавета. Размешчана за 20 км на паўднёвы захад ад Баранавіч, за 7 км ад чыгуначнай станцыі Лясная на лініі Баранавічы—Брэст. Насельніцтва 52 жыхары, 32 гаспадаркі (2005).

Вёска Бярозаўка Краіна Беларусь Вобласць Брэсцкая Раён Баранавіцкі Сельсавет Ляснянскі Каардынаты 53°01′29″ пн. ш. 25°45′56″ у. д.HGЯO Насельніцтва ▼30 чал. (2019) Часавы пояс UTC+3 Тэлефонны код +375 163 Паштовыя індэксы 225356 Аўтамабільны код 1 СААТА 1204835006 Бярозаўка Бярозаўка

Гісторыя

У 1909 годзе хутар у Навамышскай воласці Навагрудскага павета Мінскай губерні.

З 1921 года ў складзе Польшчы, у Навамышскай гміне Баранавіцкага павета Навагрудскага ваяводства.

З 1939 года ў складзе БССР. З 15 студзеня 1940 года ў Навамышскім раёне, з 8 красавіка 1957 года ў Баранавіцкім раёне Баранавіцкай, з 8 студзеня 1954 года Брэсцкай абласцей.

У Вялікую Айчынную вайну з чэрвеня 1941 года да ліпеня 1944 года вёска акупіравана нямецка-фашысцкімі захопнікамі.

Насельніцтва

• XX стагоддзе:
  • 1909 — 8 двароў, 25 жыхароў.
  • 1939 — 233 жыхары.
  • 1959 — 154 жыхары.
  • 1970 — 157 жыхароў.
• XXI стагоддзе:
  • 2005 — 52 жыхары, 32 гаспадаркі.

Славутасці

• Могілкі нямецкіх салдатаў Першай сусветнай вайны
• Помнік польскім салдатам
• На паўднёва-заходняй ускраіне вёскі знаходзіцца брацкая магіла, у якой пахаваны 628 савецкіх воінаў і партызан, а таксама ваеннапалонных, закатаваных у Ляснянскім лагеры смерці.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)