Бярозаўка (Кармянскі раён)

У паняцця ёсць і іншыя значэнні, гл. Бярозаўка.

Бяро́заўка^[1] (трансліт.: Biarozaŭka, руск.: Берёзовка) — вёска ў Кармянскім раёне Гомельскай вобласці. Уваходзіць у склад Барсукоўскага сельсавета.

Вёска Бярозаўка Краіна Беларусь Вобласць Гомельская Раён Кармянскі Сельсавет Барсукоўскі Каардынаты 53°13′23″ пн. ш. 30°42′57″ у. д.HGЯO Першая згадка XVIII стагоддзе Насельніцтва ▼23 чал. (2019) Часавы пояс UTC+3 Тэлефонны код +375 2337 Аўтамабільны код 3 СААТА 3225816006 Бярозаўка Бярозаўка

Да 27 снежня 2022 года вёска ўваходзіла ў склад Каменскага сельсавета^[2].

Славутасці

Ветраны млын на тэрыторыі музея «Дудуткі».

У вёсцы калісьці быў ветраны млын^[3], які быў пабудаваны ў 1903—1905 гадах братамі Міхаілам Іванавічам і Іванам Іванавічам Паляковымі. Пры правядзенні калектывізацыі млын стаў калгасным, а яго гаспадары былі высланы ў Сібір.

Млын працаваў да пачатку 1970-х гадоў, а потым знаходзіўся ў закінутым стане і паступова разбураўся. Па ініцыятыве заснавальніка «Дудутак» Яўгена Будзінаса ў чэрвені 1992 года млын быў прывезены на тэрыторыю музея, адноўлены брыгадай цесляроў Віктара Карачуна пад кіраўніцтвам архітэктара Сяргея Сергачова і мастака Барыса Цітовіча^[4].

Вядомыя асобы

• Мікалай Андрэевіч Васількоў (нар. 1958) — беларускі ўрач і палітык.
• Галіна Гаўрылаўна Петрачэнка (1924—1993) — вучоны ў галіне педагогікі^[5].