Бізнес-аналіз

Бізнес-аналіз (англ.: business analysis) — дысцыпліна выяўлення бізнесовых патрэб і вырашэнняў бізнес-праблем. Рашэнні часта ўлучаюць кампанент распрацоўкі сістэм, але могуць таксама складацца з удасканалення працэсаў, арганізацыйных змен або стратэгічнага планавання і распрацоўкі палітыкі кампаніі. Чалавека, які выконвае гэтую задачу, клічуць бізнес-аналітыкам.

Тых бізнес-аналітыкаў, якія займаюцца выключна распрацоўкай праграмных сістэм, таксама называюць ІТ бізнес-аналітыкамі, тэхнічнымі бізнес-аналітыкамі або сістэмнымі аналітыкамі.

Мэты бізнес-аналітыкаў

Роля бізнес-аналітыкаў у тым, каб у выніку іх працы дасягнуць наступных рэзультатаў:

• паменшыць кошты
• знайсці рашэнне праблемы
• скончыць праекты своечасова
• палепшыць эфектыўнасць
• задакументаваць дакладныя патрабаванні