Біялагічная небяспека

Біялагічная небяспека — гэта біялагічнае рэчыва, якое ўяўляе пагрозу здароўю жывых арганізмаў, у першую чаргу чалавека. Гэта можа ўключаць у сябе штам мікраарганізма, віруса або таксіна, якія могуць негатыўна адбіцца на здароўі чалавека. Біялагічная небяспека таксама можа быць рэчывам, шкодным для іншых жывёл.

Тэрмін і звязаны з ім сімвал звычайна выкарыстоўваюцца ў якасці папярэджання, каб тыя, хто падвяргаецца ўздзеянню рэчываў, ведалі пра меры засцярогі. Сімвал біялагічнай небяспекі быў распрацаваны ў 1966 годзе Чарльзам Балдуінам, інжынерам па ахове навакольнага асяроддзя, які працаваў у кампаніі Dow Chemical Company.

Сімвал «Біялагічная небяспека» выкарыстоўваецца пры маркіроўцы біялагічных матэрыялаў, якія нясуць значную небяспеку для здароўя, у тым ліку вірусныя штамы і выкарыстаныя медычныя іголкі.