Валейбол

Валейбол (англ.: volleyball, ад volley — «залп», «удар з лёту», ball — «мяч») — від спорту, камандная спартыўная гульня, падчас якой дзве каманды спаборнічаюць на адмысловай пляцоўцы, падзеленай сеткай, імкнучыся накіраваць мяч на бок суперніка такім чынам, каб ён прызямліўся на пляцоўцы суперніка (дабіць да падлогі), альбо гулец каманды, якая абараняецца, дапусціў памылку. Пры гэтым для арганізацыі нападу гульцам адной каманды дазваляецца не больш трох дотыкаў мяча запар (у дадатак да дотыку на блоку).

Напад дыяганальнага форварда супраць арганізаванага патройнага блока

Цэнтральны орган валейбола як міжнароднага віду спорту, які вызначае збор правіл гульні, — Міжнародная валейбольная федэрацыя  (бел. (тар.)) (FIVB). Валейбол — алімпійскі від спорту з 1964 г.^[1]

Валейбол — некантактны, камбінацыйны від спорту, дзе кожны гулец мае строгую спецыялізацыю на пляцоўцы. Найважнымі якасцямі для гульцоў у валейбол з’яўляюцца прыгучасць для магчымасці высока падняцца над сеткай, рэакцыя, каардынацыя, фізічная сіла для эфектыўнага стварэння атакуючых удараў.

Для аматараў валейбола — распаўсюджаная забаўка і спосаб адпачынку дзякуючы простым правілам і даступнасці інвентару.

Існуюць шматлікія варыянты валейбола, якія адгалінаваліся ад асноўнага віда: пляжны валейбол (алімпійскі від з 1996 г.), міні-валейбол, піянербол^[2].

Найбуйнейшыя спаборніцтвы пад эгідай FIVB

Спаборніцтвы	праведзены ўпершыню		наступны		Дэталі
	мужчыны	жанчыны	мужчыны	жанчыны
Пад эгідай FIVB
Алімпійскія гульні	1964 Токіа	1964 Токіа	2016 Рыа-дэ-Жанэйра	2016 Рыа-дэ-Жанэйра	Праводзяцца раз у 4 гады
Чэмпіянат свету	1949 Прага	1952 Масква	2014 Польшча	2014 Італія	Праводзіцца раз у 4 гады
Сусветная ліга	1990 Осака		2008 Рыа-дэ-Жанэйра		Праводзіцца раз у год, у 2006 годзе прызавы фонд = $20 млн
Гран-Пры		1993 Ганконг		2008 Ёкагама	Праводзіцца раз у год, у 2004 годзе прызавы фонд = $1.9 млн
Пад эгідай CEV
Чэмпіянат Еўропы	1948 Рым	1949 Прага	2009	2009	Праводзіцца раз у 2 гады

Зноскі

1. Афіцыйны сайт МАК (англ.)(недаступная спасылка). Архівавана з першакрыніцы 15 чэрвеня 2006.
2. Разнавіднасці валейбола (руск.)(недаступная спасылка). Архівавана з першакрыніцы 4 сакавіка 2009.