Валянціна Сямёнаўна Вачынская

Валянціна Сямёнаўна Вачынская (12 студзеня 1922, в. Бацюты, цяпер Падляскае ваяводства — 16 лютага 1985) — Герой Сацыялістычнай Працы (1972)^[1].

Валянціна Сямёнаўна Вачынская
Дата нараджэння	12 студзеня 1922(1922-01-12)
Месца нараджэння	Бацюты[d], Гміна Тураснь Касцельна, Беластоцкі павет, Падляскае ваяводства, Польшча
Дата смерці	16 лютага 1985(1985-02-16) (63 гады)
Грамадзянства	СССР
Партыя	КПСС
Узнагароды і прэміі

З 1949 года ў калгасе «Расія» Гродзенскага раёна: палявод, з 1957 года загадчыца вытворчым участкам, з 1976 года брыгадзір паляводчай брыгады вучэбна-вопытнай гаспадаркі «Прынёманскі» Гродзенскага сельскагаспадарчага інстытута. Званне Героя прысвоена за поспехі ў павелічэнні вытворчасці і продажу дзяржаве прадуктаў земляробства^[1].

Дэпутат Вярхоўнага Савета БССР у 1963-1971 гадах^[1].

Узнагароды

Узнагароджана двума ордэнамі Леніна (1960, 1972), ордэнам «Знак Пашаны» (1957)^[2].

Памяць

Імем В. С. Вачынскай названая вуліца ў вёсцы Путрышкі Гродзенскага раёна^[2].

Зноскі

1. Вачинская Валентина Семёновна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 106. — 737 с.
2. Валянціна Сямёнаўна Вачынская на сайце «Героі краіны»